119 MILJUN RUĦ F’RISKJU TA’ FAQAR FL-EWROPA

In-numru ta’ nies li qegħdin f’riskju ta’ faqar fl-UE naqas u reġa’ niżel għal-livelli ta’ qabel il-kriżi finanzjarja tal-2008. Mill-2009 sal-2012 il-faqar baqa’ jiżdied minn sena għall-oħra hekk kif dawk f’riskju ta’ faqar u esklużjoni soċjali żdiedu għal kważi 25% tal-popolazzjoni Ewropea. Dan il-persentaġġ reġa’ beda nieżel u issa wasal sal-livelli ta’ qabel l-2008 jiġifieri 23.7% jew 119 miljun ruħ.

Aktar minn terz tal-popolazzjoni li qegħdin f’riskju ta’ faqar u esklużjoni soċjali  jinsabu fi tliet stati membri – Bulgarija (41.3%), Rumanija (37.3%) u l-Greċja (35.7%).