Vladislav Goranov, li ppreżenta l-prijoritajiet tal-Presidenza tal-Kunsill tal-Unjoni Ewropea għall-ekonomija u l-finanzi, ma rreaġixxiex għall-proposta ta’ Alfred Sant biex il-paga minima tiżdied b’5% fil-pajjiżi tal-UE fl-ewwel laqgħa tal-Kunsill tal-Affarijiet Ekonomiċi u Finanzjarji (ECOFIN) tal-Presidenza Bulgara. Dr Sant argumenta li jekk titwettaq din il-proposta fl-istati membri, ikunu bbilanċjati d-diffikultajiet imqanqla mill-kompetizzjoni. Din il-proposta tkun aktar effettiva biex jintlaħqu l-miri tal-inflazzjoni mill-għodda monetarji li l-Bank Ċentrali Ewropew uża f’dawn l-aħħar snin.
Biex l-elezzjonijiet li qed joqorbu tal-Parlament Ewropew iservu ta’ tappa importanti għall-proġett Ewropew, l-istati membri jridu juru li wara snin ta’ awsterita`, qed jaħdmu favur titjib fil-qagħda tal-familji u ċ-ċittadini fl-Unjoni Ewropea kollha.
“L-aħħar analiżi tas-sitwazzjoni ekonomika turi li l-espansjoni ekonomika fl-Unjoni Ewropea kollha u fiż-żona ewro għadha għaddejja, u saret aktar wiesgħa. Minħabba dan it-titjib ekonomiku, m’għadux jagħmel aktar sens li jintużaw l-argumenti dwar awsterità biex il-klassijiet tal-ħaddiem, il-klassijiet tan-nofs u l-pensjonanti jiċċaħħdu minn titjib fil-poter tax-xiri tagħhom, filwaqt li l-korporazzjonijiet qed jingħataw il-prosit talli qed iżidu fil-profitti tagħhom.”
F’dan ir-rigward, żieda fil-pagi tikkontribwixxi lejn l-irkupru ekonomiku billi tnaqqas l-inugwaljanzi u tiżgura livelli għoljin ta’ għixien fiż-żona Ewropea, qal il-Kap tad-Delegazzjoni Laburista fil-Parlament Ewropew.
Tista’ ssegwi l-intervent ta’ Alfred Sant u Vladislav Goranov fuq din il-link:
https://www.youtube.com/watch?v=wpS_WlL7GGs
SPJUNAĠĠ FUQ IL-BAĦAR
Read More
MANIPOLAZZJONI TOTALI
Read More
STRATEĠIJA GĦALL-BALKANI KOLLHA
Read More
TAL-VISEGRAD KONTRA KOSTITWENZA EWROPEA
Read More
ORBAN FITTEX ALLEAT FIL-KANĊILLIER AWSTRIJAK
Read More
BULLMAN FLOK PITTELLA SAL-4 TA’ MARZU
Read More
5% ŻIEDA FIL-PAGA MINIMA
Read More
TRASPORT FIL-PERIFERIJA TAL-UE
Read More
Post a comment