AKTAR FLESSIBILITA` DWAR IR-RATI TAL-VAT

Il-Kunsill tal-Ewropa jaqbel mal-Kummissjoni Ewropea li tiżdied il-flessibilita` nazzjonali dwar rati mnaqqsa tal-VAT. Il-Kummissjoni qed tħejji pjan ta’ azzjoni dwar dan li jinkludi għażla għall-istati membri li ma jkunx hemm VAT fuq il-prodotti sanitarji. It-tieni għażla li qed tipproponi l-Kummissjoni hija li titħassar il-lista eżistenti ta’ prodotti li bħal’issa jibbenefikaw minn rata mnaqqsa ta’ VAT. Bit-tneħħija ta’ din il-lista jkun ifisser li l-istati membri jkollhom aktar liberta` u jagħżlu huma liema prodotti għandu jkollhom rata aktar baxxa ta’ VAT f’pajjiżhom.

Fir-Renju Unit bħal’issa għaddej dibattitu kbir fuq il-VAT u l-prodotti sanitarji. Qed jintqal li ħafna pajjiżi Ewropej xorta jippreferu l-ewwel għażla, li hija ftit aktar restrittiva. Madanakollu l-Kunsill Ewropew ma speċifikax li jippreferi l-ewwel għażla u mhux it-tieni waħda.