Alfred Sant qal li jeħtieġ naħdmu biex fuq livell Ewropew il-paga minima nazzjonali tkun aġġustata fl-UE biex tirrifletti l-kundizzjonijiet tal-pajjiżi nazzjonali. Fejn il-paga minima teżisti fi ħdan il-pajjiżi tal-UE, taħt il-kundizzjonijiet ekonomiċi favorevoli ta’ issa, il-paga minima nazzjonali għandha tiżdied b’tal-inqas 5%. Alfred Sant qal dan waqt id-dibattitu ‘Dħul Minimu għal Ewropa ġusta: dritt taċ-ċittadini’ fil-Parlament Ewropew.
“Il-konsum privat kiber. L-esportazzjoni u l-investiment kibru. Il-qgħad qed ikompli jonqos u qiegħed viċin il-livelli ta’ qabel il-kriżi monetarja. Il-profitti tal-korporazzjonijiet żdiedu. Id-defiċit pubbliku u l-livelli tad-dejn qegħdin taħt kontroll. Iżda it-tqassim ta’ dan it-titjib ekonomiku mhux qed jitqassam tajjeb biex jilħaq il-klassi tal-ħaddiem u l-klassi tan-nofs; hawnhekk id-defiċit qed ikompli jikber. F’ħafna mill-każijiet fejn il-paga minima nazzjonali teżisti fl-Ewropa, xorta hija ħafna aktar baxxa mill-paga li wieħed jeħtieġ biex jgħix.”
Alfred Sant qal li d-diverġenzi bejn dawk li jaqilgħu l-aktar u dawk li jaqilgħu l-inqas baqgħet tiżdied. Dan mhux ġust. Skemi ta’ Dħul Minimu jintużaw bħala appoġġ għal dawk il-ħaddiema u l-individwi l-aktar vulnerabbli li ma għandhomx garanzija ta’ livell ta’ għixien adegwat permezz ta’ ħidmiethom. Dawn l-iskemi bil-kemm qed jirnexxielhom jagħmluh dan. Wasal iż-żmien biex dawn l-iskemi imorru lil hinn minn dak li huwa minimu.
JOUROVA GĦADHA MA WEĠBITX GĦALL-AKKUŻI TA’ ALFRED SANT
Read More
DIŻGWID DWAR IL-BAĠIT TALJAN
Read More
GWERRA FUQ KULL FRONT GĦAL MAY
Read More
RELAZZJONIJIET IMDENDLA MAL-IŻVIZZERA
Read More
GĦAWDEX JEĦTIEĠ L-GĦAJNUNA TAL-ISTAT
Read More
IRIDU JIBAGĦTU L-IMMIGRANTI LURA N-NIĠERJA
Read More
ALFRED SANT FAVUR ŻIEDA TA’ 5% TAL-PAGA MINIMA FL-UE
Read More
KONTRA L-IFFINANZJAR TA’ MILIZJI MILITARI FIL-LIBJA
Read More
Post a comment