L-attakki terroristiċi fi Brussell ħasdu lil kulħadd, minkejja li kif stqarr il-Prim Ministru Belġjan il-forzi tas-sigurta` Belġjani kienu qed jistennewhom. L-attakk fuq Brussell ma kienx inċident iżolat. Fl-aħħar ġimgħat rajna attakki simili f’Ankara u f’Istanbul fit-Turkija b’għadd kbir ta’ vittmi. Iżda l-attakki ta’ Brussell ħasduna aktar minħabba l-prossimita` politika bejna u l-belt kapitali tal-Unjoni Ewropea, apparti l-preżenza ta’ għadd kbir ta’ Maltin li jaħdmu fl-istituzzjonijiet Ewropej f’din il-belt.
Dan l-attakk seħħ ftit sigħat wara l-arrest ta’ wieħed mis-suspettati tal-attakki terroristiċi ta’ Novembru f’Pariġi. Ir-rapidita` li bih seħħew l-attakki jixhed li kienu ilhom jiġu mħejjija, sempliċiment ġew aċċellerati malli sar magħruf l-arrest ta’ wieħed minnhom.
Brussell mhux biss hi l-kapitali tal-UE, imma tilqa’ fiha l-kwartieri tan-NATO, aġenziji internazzjonali u tal-Gvern Belġjan. Ir-Re Philippe tal-Belġju ġa stqarr li l-Belġju jinsab f’luttu u mhux se jibqa’ l-pajjiż li konna mdorrija bih. Dawn huma l-agħar jiem ta’ dan il-pajjiż mit-Tieni Gwerra Dinjija ’l hawn.
L-attakki heżżew l-istituzzjonijiet Ewropej. L-atmosfera hemmhekk, bir-raġun, hija waħda ta’ dieqa. Is-sigurta` issa qiegħda fl-ogħla livelli tagħha. Ħafna mill-impenji fil-Parlament Ewropew tħassru ftit sigħat qabel kellu jagħlaq għall-festi tal-Għid.
X’se jsir issa? Il-gvern Belġjan qed jgħid lin-nies biex ma jivvjaġġawx lejn Brussel għalissa. Bla dubju se jiżdiedu aktar il-miżuri ta’ sigurta`. Imma l-insigurta` fost l-Ewropej se tiżdied. U xi jfisser dan kollu? Li t-terroristi laħqu l-għanijiet tagħhom? Li rnexxielhom jiddistabillizzaw il-kapitali tal-Ewropa? Li huwa żgur hu li għal darba oħra l-Ewropa se tkun qed tirreaġixxi għal attakk terroristiku ieħor, waqt li għadha qed tipprova tirkupra mill-problemi l-oħra kollha li għaddejja minnhom bħalissa.
ATTAKK FUQ L-EWROPA
Read MoreIL-FTEHIM BEJN IT-TURKIJA U L-UE: KEMM SE JKUN EFFETTIV?
Read MoreJAGĦTU DAQQA T’ID LIL GREĊJA
Read MoreMA JIRRISPETTAWX L-OBBLIGI BAĠITARJI TAGĦHOM
Read MoreAKTAR FLESSIBILITA` DWAR IR-RATI TAL-VAT
Read MoreL-UNJONI BANKARJA GĦANDHA TINDIRIZZA IR-REALTAJIET TAL-ISTATI MEMBRI
Read MoreJIŻDIEDU L-IMPJIEGI FL-EWROPA
Read MoreMEĦTIEĠA SOLUZZJONIJIET ĠODDA GĦALL-GŻEJJER ŻGĦAR TAL-UE
Read MoreGĦAWDEX JIXRAQLU TRATTAMENT SPEĊJALI
Read More€200 MILJUN GĦALL-ERITREA
Read MoreX’INHU INTERGROUP?
Read MoreTRADIZZJONIJIET TAL-ĠIMGĦA L-KBIRA
Read More
Post a comment