Erba’ xhur qabel l-elezzjonijiet fil-Ġermanja, l-aġenzija tas-sigurta` elettronika Ġermaniża BSI wissiet lil partiti politiċi biex isaħħu s-sistemi fil-kompjuters tagħhom.
Il-Kap tal-aġenzija tal-ispjunaġġ Ġermaniż akkuża lil Moska li qed tiġbor ammonti kbar ta’ informazzjoni politika permezz ta’ attakki elettroniċi. Moska hija akkużata li pprovat tinfluwenza l-elezzjonijiet fl-Istati Uniti u fi Franza. Issa hemm it-tħassib li se tipprova tinfluwenza wkoll l-elezzjonijiet fil-Ġermanja tal-24 ta’ Settembru.
Il-Gvern Ġermaniż żied il-fondi lil aġenzija BSI li f’din is-sena se żżid 180 impjegat ieħor. Uffiċċjali tas-sigurta` jemmnu li l-attakki qed isiru mill-grupp Russu APT 28. Ħadd ma jaf minn hemm wara dan il-grupp. Il-grupp jisraq u jaħżen informazzjoni mill-emails personali tal-politiċi. Jintqal li hekk ġara fil-kas ta’ Hilary Clinton u Emmanuel Macron. Il-grupp jitfa’ wkoll viruses fil-kompjuters tal-politiċi biex dawn ma jkunux jistgħu jaċċessaw l-informazzjoni li jkollhom fuq il-kompjuter tagħhom stess jekk ma jħallsux lil APT 28.
Il-Kremlin qal li ma għandu l-ebda konnessjoni ma’ dawn l-attakki u ma jafx min huma l-individwi fi ħdan APT 28. Il-President Russu Vladimir Putin iddeskriva l-allegazzjonijiet dwar l-indħil Russu fl-elezzjonijiet presidenzjali tal-Istati Uniti bħala ‘xnigħat’.
L-Istati Uniti u l-Uffiċċjali Ewropej qalu li Moska trid tnaqqas il-fiduċja fl-għaqda Ewropea.
WIĊĊ ĠDID GĦALL-EWROPA
Read MoreDISKUSSJONIJIET IMQANQLA BEJN LONDRA U BRUSSELL
Read MoreMALTA BL-IKBAR TNAQQIS FIT-TNIĠĠIS TAL-ARJA
Read MoreL-OLANDA BL-INWKIET BIEX TIFFORMA GVERN
Read MoreATTAKKI ELETTRONIĊI JĦASSBU LIL ĠERMANJA
Read MoreELEZZJONIJIET BIKRIJA FL-AWSTRIJA
Read MoreGĦAXAR STATI MEMBRI B’SURPLUS BAĠITARJU FL-2016
Read MoreMA JAQGĦUX FIN-NASSA TAL-POPULISTI
Read More
Post a comment