Bdiewa Għawdxin se jressqu l-proposti tagħhom lil Alfred Sant f’rapport formali biex isegwih f’livelli differenti tal-Parlament Ewropew bl-għan li jżidu l-kompetittivita` u jgħinhom jippenetraw is-swieq Ewropej. F’laqgħa f’Ta’ Mena Estate fil-wied ta’ Marsalforn, il-bdiewa semmew in-nuqqas ta’ riżorsi bħall-ilma għall-irrigazzjoni, għelieqi mhux maħduma, ħitan tas-sejjieħ imwaqqa’, il-kompetizzjoni inġusta minn swieq barranin, it-telf tal-ħamrija u n-nuqqas ta’ fertilizzant bħad-demel, li jixtiequ jużaw imma mhux jitħallew jużaw fl-għelieqi tagħhom bil-konsegwenza li ma jistgħux jiddisponu sewwa minnu u jittrattawh.
Is-Sur Joe Spiteri, f’isem Mena Estate, esprima t-tħassib tal-bdiewa Għawdxin involuti fil-kultivazzjoni tad-dwieli, żebbuġ, siġar taċ-ċitru, tadam, frawli, għasel u prodotti oħra. Ta’ Mena Estate jipproduċu l-inbid tagħhom, żejt taż-żebbuġa, ikel u liqueurs minn frott differenti. Is-Sur Spiteri nnota li l-produzzjoni mid-dwieli u siġar taż-żebbuġ mhux tlaħħaq mad-domanda u din is-sitwazzjoni jeħtieġ tiġi indirizzata biex ma jintilfux l-opportunitajiet li nħolqu fl-aħħar snin.
Is-Sur Spiteri rrefera għan-nuqqas ta’ użu ta’ art agrikola tal-gvern f’Għawdex li tista’ tintuża għall-produzzjoni tad-dwieli, żebbuġ u produzzjoni agrikola oħra.
GĦAJNEJN L-EWROPA FUQ L-UNGERIJA
Read More
FRANZA U L-ĠERMANJA FAVUR DIFIŻA KOMUNI
Read More
JIPPREŻENTA RAPPORT DWAR INVESTIMENTI ĠODDA FL-UE
Read More
DISKUSS IL-KUMMERĊ BEJN IL-ĠAPPUN U L-UE
Read More
BDIEWA GĦAWDXIN IRIDU JIPPENETRAW IS-SWIEQ EWROPEJ
Read More
IRIDU AKTAR OPPORTUNITAJIET TA’ XOGĦOL F’GĦAWDEX
Read More
200 SENA ILU IVVINTAW L-ISTETOSKOPJU
Read More
Post a comment