BREXIT – “ L-EWWEL ID-DIVORZJU MBAGĦAD IL-KUMMERĊ

Il-President tal-Kummissjoni Ewropea Jean-Claude Juncker saħaq li n-negozjati dwar il-kummerċ bejn ir-Renju Unit u l-UE għal wara li r-Renju Unit ikun ħareġ mill-Unjoni, jinbdew biss wara qbil dwar it-termini tad-divorzju bejn iż-żewġ partijiet. Ir-Renju Unit u l-Kummissjoni Ewropea reġa’ kellhom sessjonijiet ġodda ta’ taħditiet li ffokaw fuq id-drittijiet taċ-ċittadini tal-UE u Britanniċi li jgħixu barra minn pajjiżhom, ftehim finanzjarju u dwar il-fruntiera bejn l-Irlanda ta’ Fuq u l-Irlanda ta’ Isfel.

“Nixtieq nagħmilha ċara li qrajt bir-reqqa l-karti kollha maħruġa mill-Gvern Britanniku u xejn ma kien sodisfaċenti. Hemm numru kbir ta’ kwistjonijiet li għad irid jintlaħaq qbil dwarhom. Irridu nagħmluha ċara daqs il-kristall li mhux se nibdew negozjati dwar relazzjonijiet kummerċjali u ekonomiċi ġodda qabel ma nistabbilixxu t-termini ta’ divorzju bejn iż-żewġ naħat. Ma nistgħux inħalltu l-kwistjonijiet. Jaqbel li l-ewwel insolvu l-passat qabel ma nħarsu ’l quddiem lejn il-ġejjieni!” qal Juncker  lill-Ambaxxaturi tal-UE.