It-tluq tar-Renju Unit mill-Unjoni Ewropea m’għandux jintuża bħala opportunita` biex l-Unjoni Ewropea tersaq lejn stat federali. Minkejja l-iskuntentizza dejjem tinfirex fl-Ewropa, it-ton prevalenti fl-Unjoni Ewropea huwa kif l-Unjoni tiġi integrata aktar biex jiġi evitat it-tieni BREXIT. Dan huwa perikoluż ħafna. Dawk li qed jitkellmu favur Ewropa Federali għandhom jikkonsolidaw dak li nkiseb sa issa, wissa l-Ewroparlamentari Malti Alfred Sant waqt konferenza dwar il-BREXIT, lejlet il-Presidenza ta’ Malta tal-Unjoni Ewropea.
Il-ħatra ta’ Trump bħala President Amerikan turi li l-globalizzazzjoni ħalliet ħafna nies emarġinati u żgur se jkollha impatt fuq in-negozjati tal-BREXIT bejn l-Unjoni Ewropea u r-Renju Unit. Il-fenomenu ta’ Trump qed jinfirex. Iċ-ċittadini l-minsija issa qed jirċievu l-informazzjoni bit-teknoloġija tal-komunikazzjoni diġitali b’detriment għall-gruppi politiċi tradizzjonali. Il-konsegwenzi tal-globalizzazzjoni jridu jiġu indirizzati malajr u dan se jkun l-isfond għan-negozjati tal-BREXIT.
‘In-negozjati tal-BREXIT se jkunu kumplessi. L-istati membri tal-UE huma konxji li d-deċiżjonijiet tagħhom jistgħu jsaħħu l-partiti estremisti tal-lemin f’pajjiżhom. Is-Soċjalisti Franċiżi konxji li n-negozjati tal-BREXIT jistgħu jsaħħu l-Front Nazzjonali f’pajjiżhom. Il-Ġermanja taf li l-UE issa se titlef it-tieni l-akbar kontributur bit-tluq tar-Renju Unit mill-Unjoni waqt li Merkel taf li AfD, il-partit tal-lemin estrem fil-Ġermanja se jaħtaf kull opportunita` jekk il-Ġermanja iċċedi għat-talbiet tar-Renju Unit,’ qal Dr Sant.
MIKROBU LI QED IKOMPLI JINFIREX
Read MoreBREXIT M’GĦANDUX IWASSAL GĦAL STAT FEDERALI
Read MoreBARROSO MA KISIRX REGOLI TAL-ETIKA
Read MoreIL-FTEHIM MAL-KANADA MISTENNI JIDĦOL FIS-SEĦĦ
Read MoreIĊ-ĊINA U R-RUSSJA MĦASSBIN DWAR L-AZZAR
Read More119 MILJUN RUĦ F’RISKJU TA’ FAQAR FL-EWROPA
Read MoreL-ITALJA TAĦT IL-PIŻ TAL-IMMIGRANTI U T-TERREMOTI
Read MoreIL-MEDITERRAN PRIJORITA` GĦALL-PRESIDENZA MALTIJA
Read More
Post a comment