ĊIFRI DWAR BRUSSELL

Brussell dan l-aħħar kienet fl-aħbarijiet minħabba l-biża’ ta’ attentat terroristiku. Iżda Brussell mhix biss ċentru politiku u l-belt kapitali tal-Belgju.  Tilqa’ fiha eluf ta’ persuni li jaħdmu hemmhekk. Madwar 33 000 persuna huma impjegati mill-Kummissjoni Ewropea. Biss, biss il-Kummissjoni għandha madwar miljun metru kwadru ta’ spazju użat għall-uffiċini.

Fil-Parlament Ewropew, 7 652 persuna jaħdmu fis-segretarjat ġenerali u fil-gruppi politiċi. Ma’ dawn hemm il-Membri Parlamentari u l-istaff tagħhom. Fil-Kunsill tal-Unjoni Ewropea, madwar 3 500 persuna jaħdmu fis-segretarjat ġenerali.

Il-Kwartieri tan-NATO jinsabu wkoll hawnhekk. Fihom jaħdmu madwar 4, 000 persuna u jkunu organizzati madwar 5, 000 laqgħa kull sena.

F’din il-belt issib 102 ġurnalisti Ġermaniżi – l-ogħla numru ta’ ġurnalisti tal-istess nazzjonalita`. Minbarra l-Unjoni Ewropea, Brussell għandha l-kwartieri ġenerali ta’ 11-il istituzzjoni intergovernattiva. F’din il-belt hemm tal-inqas 20,000 individwu li xogħlu hu li jinfluwenza l-opinjoni, dak li bl-ingliż jissejjaħ ‘lobbyist’. Hemm ukoll 29 skola internazzjonali li jedukaw 22, 772 student. L-edukazzjoni obbligatorja hija sa 18-il sena.

Għal kull mil kwadru hemm 138 restaurant li b’dawn in-nies kollha li jaħdmu fil-Belt wieħed jobsor li jaqilgħuha tajba.

Sintendi Brussell tibqa’ fiċ-ċentru tal-attenzjoni fix-xhur li ġejjin l-aktar minħabba d-deċiżjonijiiet li se tkun qed tieħu l-Unjoni Ewropea fid-dawl tal-isfidi li se tkun qed taffaċċja.