Il-Viċi-President tal-Kummissjoni Ewropea Valdis Dombrovskis esprima l-apprezzament tiegħu għall-ħidma li wettaq Alfred Sant biex tkun posposta d-Direttiva tad-Distribuzzjoni tal-Assigurazzjoni. L-Ewroparlamentari Malti kien talab lil Kummissjoni Ewropea biex tipposponi b’sena l-implimentazzjoni tad-Direttiva tad-Distribuzzjoni tal-Assigurazzjoni, wara li l-Industrija Maltija tal-Assigurazzjonijiet talbitu jintervjeni f’isimha mal-Kummissjoni Ewropea.
L-Industrija tal-Assigurazzjoni Maltija kienet talbet lil Dr Sant iwassal it-tħassib tagħha lill-Kummissjoni Ewropea minħabba ż-żmien limitat li l-industrija tal-assigurazzjoni kellha biex timplimenta d-Direttiva tal-Assigurazzjoni sad-data ta’ skadenza tat-23 ta’ Frar 2018. Il-Kummissjoni aċċettat il-proposta ta’ Dr Sant u pposponiet l-implimentazzjoni tad-Direttiva tal-Assigurazzjoni għall-1 ta’ Ottubru 2018.
“F’pajjiż bħal Malta, il-post fejn twelidt jien, ħafna mill-intermedjarji tal-assigurazzjoni huma entitajiet żgħar ħafna. Għalihom, il-bidliet prospettati jagħtu lok għal piżijiet konsiderevoli. Id-Direttiva tad-Distribuzzjoni tal-Assigurazzjoni se ġġib bidliet wisgħin għas-settur magħmul primarjament minn operaturi żgħar u medji. Iż-żmien li ngħata għat-twettiq ta’ dawn il-bidliet sempliċiment mhux realistiku.” L-MPE Malti kien avża lill-Kummissjoni Ewropea.
“L-osservazzjonijiet tiegħek kif ukoll il-kuntatti numerużi li kelli man-nies fis-settur għamluni konxju tal-fatt li sezzjonijiet mill-industrija tal-assigurazzjoni – minkejja l-informazzjoni disponibbli li kellhom – ma kinux ippreparati biżżejjed għall-applikazzjoni tal-qafas legali ġdid. Dan jgħodd l-aktar fil-konfront tal-kumpaniji ż-żgħar tal-assigurazzjoni u d-distributuri tal-assigurazzjoni li ma għandhomx biżżejjed riżorsi organizzattivi.” Valdis Dombrovskis qal lil Dr Sant f’ittra datata 14 ta’ Marzu 2018.
GWERRA KUMMERĊJALI BEJN L-ISTATI UNITI U L-UE MA TOLQOTX DIRETTAMENT LIL MALTA
Read More
50,000 IŻLAMIST RADIKALI FL-EWROPA
Read More
ORBAN IFITTEX L-APPOĠĠ TAL-ITALJA KONTRA L-IMMIGRAZZJONI
Read More
DOMBROVSKIS JAPPREZZA L-ISFORZI TA’ ALFRED SANT DWAR ID-DIRETTIVA TAL-ASSIGURAZZJONI
Read More
10% TAL-KAROZZI BIL-GASS SAL-2030
Read More
F’MINORANZA ASSOLUTA
Read More
€3 BILJUNI OĦRA GĦAR-REFUĠJATI FIT-TURKIJA
Read More
IĊ-ĊINA U l-INDJA B’OĠĠETTI U MEDIĊINI FOLOZ
Read More
Post a comment