Kull sena, l-istati membri tal-UE jitilfu aktar minn €151 biljun fid-dħul tagħhom minħabba frodi fil-VAT, inklużi €50 biljun bis-saħħa ta’ dik li tissejjaħ ‘carousel fraud’ f’kummerċ bejn stat membru u ieħor. Is-sistema tal-VAT tal-UE, li nħolqot fl-1993 hija skaduta, kumplessa żżejjed u mhux addattata għal kummerċ diġitali u dak bejn l-istati membri. Il-Kummissjoni Ewropea issa qed tipproponi għadd ta’ miżuri biex tikkumbatti dawn il-frodi massiċċi. Fil-Parlament tressqet mozzjoni dwar il-proposti tal-KE li għaddiet b’maġġoranza kbira.
Alfred Sant wissa li l-KE m’għandhiex tkun sproporzjonata fil-proposti leġiżlattivi tagħha biex tikkumbatti l-frodi fil-VAT bir-riskju li tweġġa’ s-sovranita` tal-istati membri tal-UE fil-qasam tat-tassazzjoni. Dan qalu Alfred Sant meta spjega l-vot tiegħu fil-Parlament Ewropew favur mozzjoni dwar il-proposti l-ġodda tal-KE kontra l-frodi fil-VAT. Dr Sant qal li għandha tingħata attenzjoni kbira għax il-kumplikazzjonijiet jistgħu jkunu ta’ piż fuq l-intrapriżi żgħar u medji, speċjalment fuq l-intrapriżi żgħar ħafna u jista’ jkun hemm implikazzjonijiet għall-kummerċ fis-suq diġitali.
“Ivvotajt favur il-proposta għax tipproteġi d-dħul nazzjonali tat-taxxa. Tagħmel dan għax tikkonsidra li l-uffiċċjali tat-taxxa se jipproteġu d-dħul mit-taxxa ta’ stati oħra daqs li kienu dovuti lill-istat tagħhom,” qal Alfred Sant.
Il-mozzjoni għaddiet b’ 576 vot favur, 30 kontra u 32 astenzjoni.
UĠIGĦ TA’ RAS GĦAŻ-ŻONA EWRO
Read MoreSCHULZ FAVUR STATI UNITI TAL-EWROPA
Read More€151 BILJUN MITLUFA ĦABBA FRODI FIL-VAT KULL SENA
Read MoreJAQBLU DWAR ID-DIVORZJU
Read MoreL-IRLANDA TIĠBOR IT-TAXXI DOVUTI MILL-KUMPANIJA APPLE
Read MoreTOKYO U L-UE JAQBLU DWAR KUMMERĊ ĦIELES
Read More FAVUR TRASPARENZA, KONTRA L-ARMONIZZAZZJONI FIT-TASSAZZJONI
Read MoreL-UKRENI FAVUR IN-NATO U SĦUBIJA FL-UE
Read More
Post a comment