L-Eritrea mistennija tirċievi €200 miljun sas-sena 2020. Il-Parlament Ewropew qed jisħaq mal-Kummissjoni biex tassigura ruħha li l-ebda ċenteżmu minn dawn il-fondi ma jmur fil-but tal-gvern awtokratiku tal-Eritrea. Il-Gvern tal-Eritrea ġie deskritt bħala wieħed mill-agħar fost dawk li jiksru d-drittijiet tal-bniedem.
Skont il-Parlament Ewropew, il-fondi jridu jintużaw esklussivament bħala għajnuna għall-poplu tal-Eritrea. Il-fondi għandhom jingħataw bil-kundizzjoni li d-drittijiet tal-bniedem ikunu rispettati u bil-kundizzjoni li l-politika tal-enerġija tal-pajjiż tkun aċċessibbli għal kulħadd.
Il-Parlament Ewropew wera t-tħassib tiegħu għal mod kif qed jitmexxa l-pajjiż; mingħajr liberta` tal-espressjoni, mingħajr ġustizzja u mingħajr demokrazija. Ir-reġim awtoritarju tal-Eritrea jmexxi billi jqanqal il-biżgħa – bit-tortura u d-detenzjoni u bil-vjolazzjonijiet tad-drittijiet tal-bniedem, li parti minnhom huma atti kriminali kontra l-umanita`.
Il-Parlament Ewropew qed isejjaħ għall-ħelsien immedjat tal-priġunieri politiċi u ta’ dawk li sfaw priġunieri minħabba l-ideat tagħhom li mhux tollerati mill-Gvern Eritrean. Dawn jinkludu 11-il membru tal-Parlament Eritrean u membri tal-Front favur id-Demokrazija u l-Ġustizzja li ilhom miżmumin sa mis-sena 2011 mingħajr il-possibilita` li jkellmu avukat. Jinkludu wkoll 10 ġurnalisti indipendenti li ilhom jinżammu illegalment mis-sena 2001 – fosthom hemm Dawit Isaak, Svediż li safa priġunier minħabba l-valuri tiegħu.
Il-Gvern tal-Eritrea għadu kif ħeles 4 suldati li sfaw priġunieri fl-2008 fil-fruntiera bejn Djibouti u l-Eritrea waqt konfront dwar il-kontroll tat-territorju ta’ Ras Doumeira.
Is-sitwazzjoni fl-Eritrea taffettwa direttament lill-Ewropa minħabba l-effett tan-numru tar-refuġjati. Kull xahar jitilqu 5,000 Eritrean mill-Eritrea. Fl-2015, intlaqgħu 69% tal-applikazzjonijiet tal-Eritreani jitolbu l-ażil. Dawn ingħataw status ta’ refuġjat fl-Ewropa.
ATTAKK FUQ L-EWROPA
Read MoreIL-FTEHIM BEJN IT-TURKIJA U L-UE: KEMM SE JKUN EFFETTIV?
Read MoreJAGĦTU DAQQA T’ID LIL GREĊJA
Read MoreMA JIRRISPETTAWX L-OBBLIGI BAĠITARJI TAGĦHOM
Read MoreAKTAR FLESSIBILITA` DWAR IR-RATI TAL-VAT
Read MoreL-UNJONI BANKARJA GĦANDHA TINDIRIZZA IR-REALTAJIET TAL-ISTATI MEMBRI
Read MoreJIŻDIEDU L-IMPJIEGI FL-EWROPA
Read MoreMEĦTIEĠA SOLUZZJONIJIET ĠODDA GĦALL-GŻEJJER ŻGĦAR TAL-UE
Read MoreGĦAWDEX JIXRAQLU TRATTAMENT SPEĊJALI
Read More€200 MILJUN GĦALL-ERITREA
Read MoreX’INHU INTERGROUP?
Read MoreTRADIZZJONIJIET TAL-ĠIMGĦA L-KBIRA
Read More
Post a comment