Il-President tal-Kummissjoni Ewropea Jean Claude Juncker jemmen li l-prijorita` tal-Ewropa hija t-tkabbir ekonomiku u l-ħolqien tax-xogħol, minkejja l-kriżi tal-immigrazzjoni u t-terroriżmu. Juncker qal li l-kontrolli li qed jagħmlu ċertu stati membri jaf ikollhom impatt ekonomiku negattiv.
Rigward iż-żona ‘Schengen’, Juncker qal li qed jitħallas prezz biz-zalza għal kontrolli tal-fruntieri – €300 miljun għal kontrolli bejn l-Isvezja u d-Danimarka u €90 miljun għal fruntiera bejn id-Danimarka u l-Ġermanja. Jekk l-affarijiet jibqgħu kif inhuma, il-kontrolli fuq il-fruntieri se jiswew mat-€3 biljun ewro. Dan jista’ jaffettwa t-tkabbir u l-ħolqien tal-impjiegi.
Juncker qal li hu diżappuntat li ċertu stati membri għadhom ma jridux iħallu refuġjati jirfsu f’pajjiżhom. Għalhekk il-Kummissjoni qed tippjana inizjattivi għal immigrazzjoni legali. Kif ukoll reviżjoni tar-regolamenti tat-trattat ta’ Dublin li tista’ twassal għal allokazzjoni awtomatika ta’ refuġjati fi stati membri. Juncker wissa li se jsir dak li meħtieġ isir.
Juncker qal li l-Kummissjoni hi fiduċjuża fil-pjan tal-UE u t-Turkija u t-€3 biljuni li se jingħata dan il-pajjiż biex jikkontrolla l-mewġ tal-immigranti. Qal li ma jistax jifhem għaliex l-Italja mhux taqbel mal-proposta li €1 miljun minnhom jiġi mill-baġit Ewropew u €2 miljuni jiġu mingħand l-istati membri.
Fil-ġimgħat li ġejjin se jissuktaw id-diskussjonjiet dwar l-immigrazzjoni u l-futur tax-‘Schengen’, in-negozjati rigward is-sħubija tar-Renju Unit, u d-djalogu mal-gvern ġdid Pollakk.
Malta u l-Unjoni Ewropea NL32
Read More
L-IMMIGRAZZJONI : PRIJORITÀ TAL-PRESIDENZA OLANDIŻA
Read More
IL-KOEŻJONI POLITIKA BŻONNJUŻA GĦALL-ISFIDA TAL-IMMIGRAZZJONI
Read More
ĦAMES PAJJIŻI JESTENDU L-KONTROLLI FUQ IL-FRUNTIERI TAX-‘SCHENGEN’
Read More
EFFETTI NEGATTIVI BIL-KONTROLLI TAL-FRUNTIERI
Read More
L-ITALJA : ‘MNEJN ĠEJJIN €3 BILJUN GĦAT-TURKIJA?’
Read More
PJAN TA’ AZZJONI KONTRA T-TERRORIŻMU
Read More
GŻEJJER ŻGĦAR DIFFERENTI MILL-PAJJIŻI ĊENTRALI TAL-EWROPA
Read More
JIŻDIEDU L-INUGWALJANZI SOĊJALI
Read More
MEĦTIEĠA ANALIŻI STRATEĠIKA TAL-PROĠETT EWROPEW
Read More
TIŻDIED L-INFLAZZJONI FIŻ-ŻONA EWRO
Read More
TRID TINBIDEL IL-POLITIKA TAS-SAJD
Read More
L-OBESITA’: PRIJORITA’ TAL-PRESIDENZA MALTIJA
Read More
ĊIFRI DWAR BRUSSELL
Read More
Post a comment