ELEZZJONIJIET BIKRIJA FL-AWSTRIJA

Mal-ħatra tiegħu ta’ mexxej ġdid tal-partit konservattiv Awstrijakk, Sebastian Kurz għajjat elezzjoni bikrija fl-Awstrija. Il-partit tas-Soċjal-Demokratiku Christian Kern ammetta li ma jistax iwaqqaf l-elezzjoni. Il-partit tas-Soċjal-Demokratiċi (SPO) u l-partit Konservattiv  (ÖVP) ilhom jiddominaw il-politika Awstrijakka għal deċenji sħaħ iżda issa l-koalizzjoni tagħhom ma għadhiex soda hekk kif qed jissieltu ma’ għonq xulxin.

Elezzjoni bikrija se tagħti ċ-ċans lil partit tal-Lemin Estrem (FPÖ) isaħħaħ idu u jagħmel parti minn gvern nazzjonali Awstrijakk hekk kif fl-istħarriġ pubbliku huwa l-aktar partit popolari.

L-istħarriġ pubbliku juri wkoll li bil-mexxej il-ġdid Sebastian Kurz il-partit Konservattiv tiegħu jiġbed lura aktar voti u jiġi fl-ewwel post. Dan għaliex Kurz mistenni jieħu pożizzjoni iebsa fuq l-immigrazzjoni.

Biex ikun ifformat gvern fl-Awstrija jeħtieġ li ssir koalizzjoni minn tal-inqas żewġ partiti.

L-elezzjonijiet bikrija fl-Awstrija mistennija jsiru fil-ħarifa li ġejja.