Id-dilemma ta’ stati membri żgħar fil-periferija tal-UE bħal Malta, Ċipru, l-Irlanda u d-Danimarka hija li waqt li hu fl-interess tagħhom li l-Ewro tissaħħaħ, li tkun ikkontrollata l-evażjoni tat-taxxa, li tissaħħaħ is-sigurta`, dawn l-istati jridu jkomplu jħarsu s-sovranita` tagħhom biex jiżguraw kontroll fuq it-tmexxija nazzjonali tal-oqsma ewlenin f’pajjiżhom.
Fil-Kummissjoni Ewropea qed jissaħħu iżjed l-argumenti favur sistema li tarmonizza t-taxxi fl-istati membri kollha. Huwa fl-interess nazzjonali ta’ stati membri bħal Malta li jkollhom kontroll fuq is-sistemi ta’ tassazzjoni f’pajjiżhom. Dak li jaqbel għal stati kbar bħal Ġermanja u Franza mhux neċessarjament jaqbel għall-istati membri fit-tarf tal-Ewropa. Ma tistax tlibbes żarbun wieħed lill-istati membri kollha fuq il-ġbir tat-taxxi.
L-istess jista’ jingħad dwar l-ewro. Huwa tajjeb li din il-munita tissaħħaħ għax għalissa għad m’għandhiex l-istrutturi kollha biex titmexxa tajjeb. Il-problema hi li biex tkompli tissaħħaħ l-ewro qed tkun proposta sistema federali li tkun ta’ detriment għal stati żgħar bħal Malta.
“Huwa fl-interess tal-istati membri kollha li l-UE tissaħħaħ, iżda jekk ikun hemm Ewropa federali l-vuċi tal-istati żgħar u fuq il-periferija tal-Ewropa tkompli tintilef,” kien il-messaġġ ewlieni ta’ Alfred Sant f’żewġ attivitajiet pubbliċi f’Malta. Huwa importanti li bħala Maltin u Għawdxin inkomplu insegwu dak li għaddej fl-Istituzzjonijiet Ewropej għax dak li se jiġi deċiż ikollu impatt dirett fuq il-ħajja tagħna.
EWROPA FEDERALI TITFI L-VUĊI TA’ STATI MEMBRI ŻGĦAR
Read MoreTASSAZZJONI : PARIĠI U WASHINGTON MA JAQBLUX DWAR IL-ĠGANTI TAL-INTERNET
Read MoreIR-RENJU UNIT IĦEJJI FTEHIMIET TA’ KUMMERĊ MA’ PAJJIŻI OĦRA
Read MoreIKLA GĦALL-VISEGRAD QABEL IS-SUMMIT
Read MoreAKTAR ŻMIEN GĦALL-KUMPANIJI TAL-ASSIGURAZZJONI
Read MoreX’JISTENNEW L-GĦAWDXIN MILL-EWROPA?
Read MoreIĊ-ĊEKI MA JRIDUX L-EWRO
Read More200,000 IMMIGRANT GĦALL-ĠERMANJA
Read More
Post a comment