FAVUR FTUĦ TAN-NEGOZJATI TA’ SĦUBIJA GĦALL-ALBANIJA

Il-Parlament Ewropew b’546 vot favur, 85 kontra u 62 astensjoni, ta l-appoġġ tiegħu biex jibdew in-negozjati għas-sħubija tal-Albanija fl-UE, bil-kundizzjoni li dan il-pajjiż jimplimenta r-riformi b’mod partikolari fil-kamp legali, fil-ġlieda kontra l-kriminalita` organizzata u kontra l-korruzzjoni.

Il-PE qal li elezzjonijiet ħielsa u ġusti huma kruċjali għall-proċess ta’ sħubija u saħaq li l-awtoritajiet ikkonċernati għandhom jiżguraw l-implimentazzjoni tar-riforma elettorali fl-Albanija. L-Albanija se tmur għall-elezzjoni f’Ġunju ta’ din is-sena.