Eluf ħonqu l-pjazez ta’ Budapest fi tmiem il-ġimgħa jitolbu li jerġgħu jingħaddu l-voti wara li Victor Orban rebaħ l-elezzjoni fl-Ungerija. Id-dimostrazzjonijiet seħħew wara li l-ġurnal ewlieni tal-Oppożizzjoni Magyar Nemzet wara 80 sena kellu jagħlaq minħabba problemi finanzjarji. L-istazzjon tar-radju Lánchíd Rádió tal-istess dar ħabbar ukoll li se jagħlaq. L-istazzjon tal-aħbarijiet televisiv Hír TV qal ukoll li se jnaqqas l-infiq drastikament fuq il-ħidma ġurnalistika.
Din in-Newsletter tkellmet b’mod esklussiv ma’ Udo Bullmann, il-President il-ġdid tal-S&D dwar l-aħħar żviluppi fl-Ungerija.
“L-Ungerija tal-lum hija pajjiż maqsum. Jiddispjaċini ħafna għax nemmen li l-Ungerija għandha rwol deċisiv x’tilgħab fl-Ewropa. Dan mhux il-każ. Orban organizza kampanja elettorali fuq il-biża’: Biża’ kontra l-ġirien tal-Ungerija, biża’ xenofobiku kontra kull barrani f’pajjiżu.”
Bullmann qalilna li Orban qatt ma qal fejn irid jieħu lill-poplu Ungeriż, fejn iridu jiżviluppa soċjalment u ekonomikament.
“Qatt ma qal lill-poplu Ungeriż kif jista’ jkollu rwol ewlieni fost l-istati membri tal-UE. Ħasra tabilħaqq. Nixtieq li l-familja politika ta’ Orban (PPE), lil Weber u lil Merkel u l-mexxejja ewlenin l-oħra tal-PPE jifhmu l-konsegwenzi ta’ dan ir-riżultat. Ma jistax ikun li Orban iġib ruħu mod f’isem il-Konservattivi fl-Ewropa u mbagħad f’kull okkażjoni li jkollu jiċħad l-għażliet Ewropej.” qal Bullmann.
Il-Kummissjoni Ewropea widdbet lil Orban li d-difiża tal-valuri Ewropej u tad-demokrazija huwa dmir komuni ta’ kull stat membru, mingħajr eċċezzjoni.
Orban, membru tal-familja tal-PPE, rebaħ 48.8% tal-voti. Mistenni jibda r-raba’ leġislatura tiegħu u t-tielet waħda konsekuttiva bħala Prim Ministru tal-Ungerija.
Tista’ ssegwi l-kummenti ta’ Udo Bullmann fuq din il-link:
APPOĠĠ LILL-GŻEJJER U R-REĠJUNI FIL-PERIFERIJA TAL-UE
Read More
FERMENT KONTRA ORBAN
Read More
25,300 TILFU ĦAJJITHOM FIT-TOROQ TAL-EWROPA FL-2017
Read More
INĊIDENT TERRORISTIKU KULL SITT IJIEM FL-EWROPA
Read More
KUMMERĊ MAL-ISTATI UNITI U Ċ-ĊINA
Read More
SUQ KOMUNI GĦALL-ISTATI BALKANI
Read More
TĦASSSIB DWAR L-EWWEL IMPJANT NUKLEARI TAT-TURKIJA
Read More
IL-MAROKK F’INIZJATTIVA DWAR L-ILMA U L-IKEL FIL-MEDITERRAN
Read More
Post a comment