Malta għandha tħaddan is-sejħa tas-Soċjalisti Ewropej favur aktar Ewropa soċjali biex l-ugwaljanza u l-ġustizzja fl-Ewropa jingħataw prijorita`, qal Alfred Sant waqt attivita` soċjali fil-Belt Valletta. Dr Sant qal li għall-Ewropa l-2019 tista’ tkun diffikultuża daqs l-2018. Il-problema fundamentali hi li għalkemm fis-snin riċenti l-Ewropa esperjenzat tkabbir ekonomiku, l-inugwaljanzi u l-inġustizzji soċjali żdiedu. Dan qed ixekkel is-solidarjeta` fi ħdan in-nazzjonijiet u bejn in-nazzjonijiet.
“Is-sena 2018 kienet waħda delikata għal Ewropa u l-mexxejja tagħha. Fi Franza, il-Ġermanja, l-Italja, l-Isvezja fost oħrajn, sitwazzjonijiet ta’ kunflitt u inċertezza dwar il-futur ħolqu kriżijiet politiċi. Għalkemm Malta hija l-iżgħar stat fl-Unjoni, irnexxielha żżomm sitwazzjoni ta’ prosperita` u serenita`. F’din is-sena l-ġdida rridu insostnu l-fiduċja tagħna fil-futur ta’ Malta u f’dak li jista’ jagħmel il-poplu tagħha jekk jibqa’ magħqud u jħares ’l quddiem.”
Sant qal li wisq Maltin għadhom ma jifhmux kemm id-deċiżjonijiet li jittieħdu fl-Ewropa qed jaffettwaw il-futur tagħhom u tal-familji tagħhom. Fl-aħħar ħames snin, għan ewlieni tal-uffiċċju tal-MEP Sant f’Malta kien dak li jinforma l-pubbliku Malti dwar din ir-realta`.
“Jitla’ min jitla’ fil-Parlament Ewropew f’Mejju, tibqa’ l-ħtieġa li dan l-għarfien jingħata.”
Dr Sant wiegħed li se jibqa’ jaħdem, fl-Ewropa u f’Malta, biex jitpoġġew fuq quddiem l-interessi tal-ħaddiema Maltin u Għawdxin, is-self-employed, il-penzjonanti, kif ukoll il-familji bi dħul baxx jew medju. Malta, taħt amministrazzjoni Laburista, qed tagħmel progress enormi u aħna rridu niżguraw il-ħin kollu li kulħadd igawdi b’mod ġust mit-tkabbir li qed isir.
FIDUĊJA F’MALTA GĦAL EWROPA SOĊJALI
Read More
‘IR-RUMANIJA GĦAD TRID TIFHEM IR-RESPONSABBILTAJIET TAGĦHA.’
Read More
DAQSHEKK NEGOZJATI DWAR IL-BREXIT
Read More
IMUTU ANQAS IMMIGRANTI FIL-MEDITERRAN
Read More
KONTRA TAXXA DIĠITALI ARMONIZZATA
Read More
€305 MILJUN GĦALL-GREĊJA , L-ITALJA, ĊIPRU U L-KROAZJA
Read More
€93 MILJUN IEĦOR GĦALL-PALESTINA
Read More
IL-ĦUT JINŻLILHOM GĦASEL
Read More
Post a comment