F’LULJU BAQGĦET STABBLI R‑RATA TA’ INFLAZZJONI FIŻ‑ŻONA EWRO ‑ B’0.2%

L-inflazzjoni fiż-żona tal-ewro u fl-Unjoni Ewropea bejn Ġunju u Lulju baqgħet stabbli. Skont il-Eurostat, f’Lulju l-inflazzjoni fiż-żona ewro baqgħet 0.2% u fl-UE baqgħet 0.1%.

F’Lulju, ħdax-il stat membru kellhom inflazzjoni negattiva; Ċipru (-2.4%), Rumanija (-1.4%), Greċja (-1.3%), Bulgarija (-1.0%), Slovenja (-0.7%), Polonja (-0.5%), Kroazja, Latvja, Litwanja u Slovakkja (-0.2%) u Finlandja (-0.1%). Ir-Renju Unit u Spanja kellhom rata ta’ inflazzjoni ta’ żero. L-inflazzjoni kienet ċkejkna fil-Ġermanja (0.1%), Franza (0.2%) u l-Italja (0.3%). L-ogħla rata ta’ inflazzjoni kienet irreġistrata f’Malta (1.2%), l-Awstrija (1.1%), il-Belġju (0.9%) u l-Iżvezja u l-Olanda (0.8%). Imqabbla ma’ Ġunju, l-inflazzjoni annwali niżlet fi 15-il stat membru, baqgħet stabbli f’erba’ stati u telgħet fi tmien stati.

L-aktar li ħallew impatt fuq iż-żieda fl-inflazzjoni fiż-żona ewro kienu r-restoranti u l-kafetteriji (+0.09 punti perċentwali), it-tabakk (+0.08pp) u l-krejja (+0.06pp). Mentri fuels għat-trasport (-0.43pp), il-heating oil (-0.20pp) u l-ħalib, il-ġobon u l-bajd (-0.06pp) l-aktar li affettwaw it-tnaqqis tal-inflazzjoni.