Is-sitt Membri Parlamentari Ewropej Maltin kienu f’minoranza assoluta fil-Parlament Ewropew f’votazzjonijiet dwar sistema ta’ taxxa komuni fil-pajjiżi kollha tal-Unjoni Ewropea. Dawn ivvotaw għal żewġ riżoluzzjonijiet marbuta mat-taxxa. Waħda li tinkludi l-Bażi Komuni Konsolidata għat-Taxxa Korporattiva, li kienet parti minn proposta wiesgħa għall-ħolqien ta’ sistema komuni tat-taxxa korporattiva tal-UE u miżura separata iżda komplimentari, li toħloq il-bażi għas-sistema ta’ taxxa korporattiva armonizzata. Tliet kwarti tal-Ewroparlamentari vvotaw favur dawn ir-riżoluzzjonijiet.
Il-membri tad-delegazzjoni Laburista fil-Parlament Ewropew qalu li l-proposti approvati huma l-ewwel pass fi strateġija biex tiġi armonizzata l-istruttura taʾ tassazzjoni madwar l-Unjoni Ewropea.
“Il-politika dwar it-taxxa hija prerogattiva sovrana tal-istati Membri tal-UE. U hekk għandu jibqa’. L-armonizzazzjoni tal-istrutturi tat-taxxa jimminaw il-flessibbiltà tal-iżgħar stati membri tal-UE, speċjalment dawk li jinsabu fil-periferija, liema flessibbiltà hija neċessarja biex jibqgħu kompetittivi u jagħmlu tajjeb għan-nuqqas taʾ dotaġġi ekonomiċi u fiżiċi li għandhom il-pajjiżi kbar.” qalet id-Delegazzjoni Laburista.
Fil-verità, is-sistemi li qed jiġu proposti dwar it-taxxa jpoġġu kumpaniji bbażati fl-UE u l-pajjiżi membri fi żvantaġġ meta mqabbel ma’ korporazzjonijiet u pajjiżi fil-bqija tad-dinja.
L-MPE Maltin ivvotaw ukoll kontra r-riżoluzzjoni oħra tal-Parlament Ewropew li kienet titlob li l-Unjoni Ewropea jkollha riżorsi proprji tagħha. Alfred Sant qal li l-armonizzazzjoni fit-taxxa ma tistax tkun is-soluzzjoni għad-dgħufijiet tal-Unjoni Ewropea. Quddiem ir-realtà ta’ diskrepanzi soċjo-ekonomiċi fi ħdan l-Unjoni, sistema ta’ taxxa waħda twassal biex l-affarijiet imorru għall-agħar.
GWERRA KUMMERĊJALI BEJN L-ISTATI UNITI U L-UE MA TOLQOTX DIRETTAMENT LIL MALTA
Read More
50,000 IŻLAMIST RADIKALI FL-EWROPA
Read More
ORBAN IFITTEX L-APPOĠĠ TAL-ITALJA KONTRA L-IMMIGRAZZJONI
Read More
DOMBROVSKIS JAPPREZZA L-ISFORZI TA’ ALFRED SANT DWAR ID-DIRETTIVA TAL-ASSIGURAZZJONI
Read More
10% TAL-KAROZZI BIL-GASS SAL-2030
Read More
F’MINORANZA ASSOLUTA
Read More
€3 BILJUNI OĦRA GĦAR-REFUĠJATI FIT-TURKIJA
Read More
IĊ-ĊINA U l-INDJA B’OĠĠETTI U MEDIĊINI FOLOZ
Read More
Post a comment