FRANZA B’EKONOMIJA STAĠNATA FL-AĦĦAR TLIET XHUR

Franza hija l-uniku pajjiż fl-UE li baqa’ b’ekonomija staġnata fit-tieni kwart ta’ din is-sena. F’dan il-perijodu, l-ebda pajjiż fl-UE ma kien f’riċessjoni. Apparti l-istaġnar fi Franza, kien hemm tkabbir żgħir fl-Olanda, fl-Awstrija u r-Rumanija (+0.1%), Danimarka u Finlandja (+0.2%) u l-Italja (+0.3%). Il-Prodott Gross Domestiku kiber b’0.4% fil-Ġermanja, u b’0.9% fil-Greċja. L-iktar pajjiżi li rreġistraw tkabbir kienu l-Latvja (+1.2%), Malta (+1.1%), l-Isvezja, Spanja u r-Repubblika Ċeka (+1.0%). Il-Eurostat ma kellhiex figuri għall-Irlanda u l-Lussemburgu.

Fiż-żona ewro u fl-UE, il-Prodott Gross Domestiku kiber b’0.4% meta mqabbel mal-ewwel erba’ xhur tas-sena. Bejn Mejju u Awwissu ta’ din is-sena, il-nefqa tal-konsum domestiku telgħet b’0.4% kemm fiż-żona ewro u kemm fl-UE kollha. L-Esportazzjoni kibret b’1.6% u l-importazzjoni żdiedet b’1.0% fiż-żona ewro u b’0.8% fit-28 stat membru tal-UE.