FRANZA TFITTEX IS-SOLIDARJETÀ TAL-ISTATI MEMBRI TAL-UE

Il-Ġermanja ħabbret li se tagħti għajnuna militari lil Franza fil-ġlieda kontra l-ISIS, fosthom frejgata biex tassisti lill-aircraft carrier Franċiż Charles de Gaulle u ajruplani tat-tkixxif u  ‘refuelling’. Franza konvinta li aktar pajjiżi membri se jgħinuha fil-ġlieda kontra l-ISIS.  Flimkien mar-Russja, se tintensifika l-bumbardamenti mill-ajru fuq l-ISIS fis-Sirja. L-għan huwa li jfixklu t-trasport taż-żejt għax il-bejgħ tiegħu huwa sors ewlieni ta’ flus għall-ISIS.

Il-Ministru tal-Affarijiet Barranin Ġermaniża Ursula Von Der Leyen qalet li l-Ġermanja se tipprovdi protezzjoni, reconnaissance u loġistika. Il-President Hollande qal li kien konvint li l-pajjiżi Ewropej l-oħra jsegwu l-eżempju tal-Ġermanja waqt li appella għas-solidarjeta` tal-istati membri l-oħra tal-UE’.

Ir-Renju Unit approva l-attakki mill-ajru kontra l-ISIS fis-Sirja. Ftit sigħat wara ajruplani tal-gwerra Ingliżi telqu mill-bażijiet tagħhom f’Ċipru u bdew jibbumbardjaw qagħdiet tal-ISIS.