Franza u l-Ġermanja ffirmaw l-ewwel kapitlu minn dak li se jkun trattat ġdid bl-għan li jissaħħaħ il-proġett Ewropew.
Fost il-Brexit imminenti, it-theddida tas-saltna tad-dritt u x-xokk li ħoloq il-moviment tal-ġakketta safra, il-proġett Ewropew għandu bżonn appoġġ fuqiex iserraħ.
It-trattat huwa frott xogħol konġunt bejn iż-żewġ pajjiżi u ġie ffirmat f’Aix-la-Chapelle – fin-nofs bejn Pariġi u Berlin.
Żewġ aspetti ewlenin fit-trattat huma l-kooperazzjoni politika, speċjalment bejn Franza u l-Ġermanja u l-kooperazzjoni ekonomika u ta’ difiża.
Macron jemmen li għandu jsir aktar sforz favur il-konverġenza u jrid skambju ta’ ideat bejn l-esperti ekonomiċi.
“Fi Franza l-esperti ekonomiċi jisħqu dwar baġit għaż-żona ewro u stimulu fiskali, filwaqt li fil-Ġermanja, l-esperti jikkritikaw lil Gvern li qed jonfoq ħafna. Aħna rridu nistabbilixxu kunsill ta’ esperti li flimkien iqarrbu l-politika ekonomika taż-żewġ pajjiżi.” qal Macron.
Il-ftehim se jwassal għall-ħolqien ta’ Kamra Franco-Ġermaniża ta’ 50 rappreżentant li jiltaqgħu regolarment. Jinkludi wkoll wiegħda bejn iż-żewġ partijiet ta’ għajnuna u assistenza, permezz tal-forzi armati, fl-eventwalita` ta’ attakk militari fuq it-territorju tagħhom.
It-trattat jisħaq għal relazzjoni Franco-Ġermaniża aktar konkreta.
TA’ DETRIMENT GĦAL MALTA
Read More
IMMIGRANTI LURA L-LIBJA
Read More
L-ITALJA RIESQA LEJN RIĊESSJONI
Read More
TRATTAMENT SPROPORZJONAT LEJN MALTA
Read More
FRANZA U L-ĠERMANJA AKTAR QRIB XULXIN
Read More
JIPPREFERU FIGHTER JETS AMERIKANI
Read More
PUTIN FIS-SERBJA
Read More
DEFIĊIT KUMMERĊJALI GĦALL-UE
Read More
Post a comment