Ir-Rappreżentanta Għolja tal-Affarijiet Barranin tal-UE Federica Mogherini għaddejja bil-konsultazzjonijiet biex jintlaħaq qbil dwar żviluppi ġodda fil-qasam tas-sigurta` u d-difiża komuni tal-Unjoni Ewropea. Il-Ministri tad-Difiża tal-istati membri taw l-ideat tagħhom, ewlenin fosthom il-proposti konġunti ta’ Franza u l-Ġermanja. Iż-żewġ pajjiżi huma favur aktar kooperazzjoni u integrazzjoni bejn il-pajjiżi bl-għan li dan il-qasam jissaħħaħ u b’mod li juri li l-Unjoni hija unita u għandha direzzjoni.
It-trattat ta’ Lisbona jitkellem fuq forza militari Ewropea. Ir-Renju Unit dejjem irreżista li ssir għax jemmen li din il-politika diġa` qed titwettaq min-Nato. Bil-Brexit imminenti, l-ideat tar-Renju Unit jaf ikollhom inqas valur minn qabel.
L-ideat Franċiżi u Ġermaniżi jinkludu kwartieri ġenerali fi Brussell għal missjonijiet kollha tal-UE. Għad ma hemmx qbil bejn l-istati membri kollha dwar dan. Fil-15 ta’ Novembru se jitħabbar pjan bil-prijoritajiet bil-ħsieb li jkun approvat mill-ministri qabel il-laqgħa tal-kapijiet tal-istati membri f’Diċembru. Il-pjan se jimxi mal-qafas tat-trattati bl-għan li l-pajjiżi jsibuha aktar faċli jaqblu ma’ dak li ffirmaw għalih ’il fuq minn 10 snin ilu.
L-UE ilha ma taġġorna l-istrateġija tagħha ta’ difiża u sigurta` mill-2003.
GĦAJNEJN L-EWROPA FUQ L-UNGERIJA
Read More
FRANZA U L-ĠERMANJA FAVUR DIFIŻA KOMUNI
Read More
JIPPREŻENTA RAPPORT DWAR INVESTIMENTI ĠODDA FL-UE
Read More
DISKUSS IL-KUMMERĊ BEJN IL-ĠAPPUN U L-UE
Read More
BDIEWA GĦAWDXIN IRIDU JIPPENETRAW IS-SWIEQ EWROPEJ
Read More
IRIDU AKTAR OPPORTUNITAJIET TA’ XOGĦOL F’GĦAWDEX
Read More
200 SENA ILU IVVINTAW L-ISTETOSKOPJU
Read More
Post a comment