Franza u l-Ġermanja jinsabu lura fl-azzjoni wara l-formazzjoni tal-Gvern Ġermaniż. Bejn issa u l-Kunsill tal-Unjoni Ewropea f’Ġunju Franza u l-Ġermanja se jippreżentaw proposti għall-futur tal-UE f’oqsma bħal aktar Għaqda Ekonomika u Monetarja, l-immigrazzjoni, il-kummerċ, ir-riċerka u l-innovazzjoni.
“Il-ħila tagħna li nimxu b’mod responsabbli dwar l-ekonomija u l-għaqda monetarja, b’mod partikolari fiż-żona ewro waqt li nuru solidarjeta` fuq l-immigrazzjoni , id-difiża u l-politika tal-kummerċ, kif ukoll dwar politika ta’ riċerka, l-edukazzjoni u l-kultura …. se nfasslu roadmap ċara u ambizzjuża sax-xahar ta’ Ġunju.” qal il-President Franċiż Emmanuel Macron waqt li ospita żjara tal-Kanċilliera Ġermaniża Angela Merkel.
Angela Merkel qalet li huwa essenzjali li nimxu b’għaqda. Merkel saħqet dwar l-istabilita` tal-ewro u t-titjib tal-kompetittivita` internazzjonali taż-żona ewro permezz tal-innovazzjoni. Dwar l-immigrazzjoni l-Kanċilliera qalet li sa Ġunju għandha tinstab soluzzjoni għar-riforma tat-trattat ta’ Dublin dwar is-sistema tal-ażil. Hi saħqet għal strateġija komuni Ewropea għall-Afrika.
Il-proposti Franko-Ġermaniżi dwar il-futur tal-Ewropa se jiġu f’inqas minn sena għall-elezzjonijiet Ewropej ta’ Mejju 2019.
Il-proposti qed isiru f’waqt li l-Ewropa mriegħda bil-Brexit u mill-elezzjonijiet Taljani fejn l-estremiżmu kiber, sforz il-konsegwenzi kollha tal-problemi ekonomiċi li ma rnexxilniex insolvu għal kollox u l-isfidi tal-immigrazzjoni li wkoll ma solvejniex kompletament, qal Macron.
IL-KUMMISSJONI EWROPEA TINVESTIGA INVESTIMENTI ĠODDA BARRANIN
Read More
TENSJONI FL-UNGERIJA
Read More
MERKEL U MACRON F’KUNTATT MA’ TRUMP DWAR IL-POLITIKA KUMMERĊJALI
Read More
BATTIBEKKI DWAR IL-BAŻI NAVALI TAL-UE
Read More
FRANZA U L-ĠERMANJA LURA FL-AZZJONI
Read More
MOSCOVICI FAVUR MIŻURI KOLLETTIVI FIL-QASAM TAT-TAXXA
Read More
XEJN ĠDID BEJN IT-TURKIJA U L-UE
Read More
L-ISTATI UNITI U Ċ-ĊINA L-AKBAR IMSIEĦBA KUMMERĊJALI TAL-UE
Read More
Post a comment