L-iżgħar pajjiżi fl-UE u dawk li qegħdin fil-periferija tagħha, ma għandhomx ikunu miċħuda mill-ftit flessibilita` li fadlilhom fil-politika tat-tassazzjoni. Dr. Alfred Sant qal lill-Parlament Ewropew li mhux ġust li tkun imposta l-armonizzazzjoni tat-taxxa bl-għajta li titnaqqas l-evażjoni tat-taxxa mill-kumpaniji multi-nazzjonali. Dr. Sant jaqbel mat-trasparenza aħjar fit-taxxa fi ħdan l-UE. “Imma, fejn dan iservi bħala parti minn programm ikbar biex tkun introdotta l-armonizzazzjoni tat-taxxa fl-istati membri, il-pakkett irid ikun mifli b’mod kritiku. L-istati membri, speċjalment fiż-żona ewro, qed jimplimentaw regoli ugwali fid-deċiżjonijiet dwar finanzi u ekonomija. Dan il-proċess qed jaħdem tajjeb fl-istati membri b’ċirkostanzi ekonomiċi aħjar. Iżda wieħed ma jistax iċaħħad lil dawk il-pajjiżi żgħar u fil-periferija tal-UE il-ftit flessibilita` li fadlilhom.”
Dr. Sant qal li jidher li bħalissa l-aktar mod sempliċi kif wieħed jgħid li se jikkontrolla l-evażjoni tat-taxxa milll-kumpaniji multinazzjonali, hija l-impożizzjoni tal-armonizzazzjoni tat-taxxa bil-metodi eżistenti ta’ kontabilita`. “Dan mhux ġust. Il-karatteristika ta’ kwalunkwe ‘Corporate Tax package’ għandha tkun il-flessibilita`, applikata bl-istess mod għal kulħadd, mhux biss lill-ekonomiji l-kbar kif ġara bir-regoli tal-Patt tal-Istabbilita` u tat-Tisħiħ”, qal Alfred Sant.
Malta u l-Unjoni Ewropea NL33
Read More
KULĦADD JAQBILLU, ĦLIEF MALTA
Read More
M’HEMMX PJAN B GĦAL-LIBJA
Read More
L-OGĦLA THEDDIDA F’GĦAXAR SNIN
Read More
KEMM TISWA T-TNEĦĦIJA TAX-XENGEN?
Read More
JONQSU S-SIRJANI, JIŻDIEDU L-IRAQQINI
Read More
IL-POLITIKA TAL-UE DWAR L-AGRIKOLTURA MALTIJA GĦANDHA TKUN IKKONTESTATA FUQ IL-LIVELLI KOLLHA
Read More
GĦANDHOM IŻOMMU L-FLESSIBILITA` LI FADLILHOM
Read More
UĠIGĦ TA’ RAS GĦAL BANK ĊENTRALI EWROPEW
Read More
GĦAWDEX JEĦTIEĠ TRATTAMENT SPEĊJALI
Read More
TA’ MIN JOGĦLA U TA’ MIN JONQOS
Read More
X’INHUMA L-KUMITATI TAL-PARLAMENT EWROPEW?
Read More
X’ILSNA JITGĦALLMU FL-EWROPA?
Read More
Post a comment