Għawdex jeħtieġ l-intervent u l-għajnuna tal-istat biex jissaħħaħ bħala destinazzjoni Ewropea u bħala destinazzjoni nazzjonali u jkompli jtejjeb il-konnettivita` tiegħu ma’ Malta u mal-kontinent Ewropew, qal Alfred Sant f’Għawdex. L-intervent tal-istat huwa meħtieġ biex jikkumpensa għall-insularita` doppja li jsofri minnha Għawdex peress li s-settur privat u s-suq ħieles waħdu ma jistgħux jiffinanzjaw proġetti kbar li għandu bżonn Għawdex biex ilaħħaq mal-iżvilupp f’Malta.
Dr Sant qal li għandu jkun identifikat post f’Għawdex għal Yacht Marina, it-tisħiħ tal-politika diġitali, aktar spazju għal attivitajiet artiġjanali u l-ħolqien ta’ prodotti speċifiċi agrikoli f’Għawdex.
Id-diverġenzi bejn in-nord tal-Ewropa u s-sud żdiedu fl-aħħar għaxar snin. Għawdex, bħal gżejjer u reġjuni periferali oħra fl-UE, huwa affettwat negattivament mill-politika tal-UE li ma tippermettix għajnuna tal-istat. Din il-politika hija ta’ detriment għal gżejjer żgħar tal-UE.
“L-għajnuna tal-Istat fi gżejjer żgħar bħal Għawdex u Malta ma taffettwax is-suq Ewropew. L-Unjoni Ewropea ma taqbilx ma’ dil-linja, iżda se nkompli naħdem ma’ MEPs minn gżejjer tal-UE biex noħorġu b’aktar proposti favur gżejjer bħal Għawdex.”
Fil-Parlament Ewropew Alfred Sant saħaq li l-Unjoni Ewropea teħtieġ strutturi li jiffavurixxu komunitajiet bħal dawk li jgħixu fil-gżira ta’ Għawdex u li jippermettu l-għejxien u l-iżvilupp ta’ dawn il-gżejjer. Dr Sant qal li l-entitajiet Ewropej ħafna drabi jsibuha komda li jinsew id-drittijiet ta’ każijiet partikolari bħal Għawdex.
JOUROVA GĦADHA MA WEĠBITX GĦALL-AKKUŻI TA’ ALFRED SANT
Read More
DIŻGWID DWAR IL-BAĠIT TALJAN
Read More
GWERRA FUQ KULL FRONT GĦAL MAY
Read More
RELAZZJONIJIET IMDENDLA MAL-IŻVIZZERA
Read More
GĦAWDEX JEĦTIEĠ L-GĦAJNUNA TAL-ISTAT
Read More
IRIDU JIBAGĦTU L-IMMIGRANTI LURA N-NIĠERJA
Read More
ALFRED SANT FAVUR ŻIEDA TA’ 5% TAL-PAGA MINIMA FL-UE
Read More
KONTRA L-IFFINANZJAR TA’ MILIZJI MILITARI FIL-LIBJA
Read More
Post a comment