Il-Membru Parlamentari Ewropew Alfred Sant qal lill-Parlament Ewropew fi Strasbourg li d-dgħjufijiet fi ħdan l-Unjoni Ewropea huma riżultat ta’ żviluppi fi ħdanha, u mhux minn ġrajjiet li ma kinux mistennija fi ħdan jew barra l-Unjoni Ewropea. Dr. Sant, li kien qed jirreaġixxi għad-diskors tal-President Jean Claude Juncker fil-Parlament Ewropew, qal li r-raġunijiet għad-dgħjufijiet li hemm fl-Unjoni Ewropea għandhom jiġu rikonoxxuti.
Dr. Sant qal li ‘l-Unjoni Ewropea qed tiġġebbed iżżejjed biex tipprova tilħaq bogħod iżżejjed.’ Dan wassal biex ifeġġu d-dilemmi u l-paralisi li qed jaffettwaw lill-Unjoni Ewropea waqt li llum qed tiffaċċja l-akbar problemi. Fost dawn hemm il-kriżi tal-immigrazzjoni, l-inkwiet fl-Ukraina, it-taħwid traġiku fil-Greċja u l-qgħad dejjem jiżdied b’mod persistenti fl-Unjoni Ewropea. Is-soluzzjoni għal dan it-tiġbid żejjed tal-Unjoni għandu jkun – għall-anqas bħala l-ewwel fażi – konsolidament politiku u ekonomiku, mhux bit-tiġbid żejjed.
L-Unjoni Ewropea, qal Dr. Sant, firxet l-impennji u l-aspirazzjonijiet tagħha, imma ma hemmx rieda politika u lanqas il-mezzi biex tinstab soluzzjoni. Sadanittant barra l-fruntieri tal-Unjoni Ewropea qed jiżdied is-‘soft power’ tal-Unjoni biex minn barra qed jidher bħala mudell tajjeb li qed iżid l-aspettattivi dwarha fost ċittadini barra mill-Unjoni Ewropea. Ilna nisimgħu, qal Dr. Sant, li ‘Aktar Ewropa’ hija s-soluzzjoni għall-problemi li qed jinħolqu. Ħafna ċittadini Ewropej li qed jgħixu l-ħajja tagħhom ’il bogħod mill-pressjonijiet u l-impressjonijiet maħluqa mill-forzi politiċi involuti fil-proġett Ewropew ma jistgħux jifhmu x’qiegħed isir.’ Temm jgħid Dr. Sant.
IL-KALMA QABEL IL-MALTEMPATA
Read More
‘ID-DGĦJUFIJIET TAL-UNJONI EWROPEA RIŻULTAT TA’ ŻVILUPPI FI ĦDANHA’
Read More
IX‑XENGEN FIL‑PERIKLU
Read More
L‑INTERESSI TAL‑ĦADDIEMA : IL‑PRIJORITA’ TAS‑SOĊJALISTI EWROPEJ
Read More
JIKBRU D‑DIVERĠENZI EKONOMIĊI BEJN IR‑REĠJUNI TAL‑UE
Read More
JEŻISTU RISKJI POLITIĊI OĦRA FIŻ‑ŻONA EWRO
Read More
TNAQQIS FIR‑RATA TAL‑QGĦAD F’LULJU GĦAŻ‑ŻONA EWRO
Read More
L‑EWROPA INĊERTA DWAR L‑ISFIDI EKONOMIĊI U UMANITARJI
Read More
€600 MILJUN BIEX TQARREB IL‑BALKANI LEJN L‑UE.
Read More
X’INHU DAN? X’INHI DIN? – IS-SUQ KOMUNI
Read More
Post a comment