Bl-elezzjonijiet Ewropej fir-Rebbiegħa tal-2019 wara l-bieb, il-mexxejja tal-UE qablu li jiddiskutu riformi għall-proġett Ewropew – b’mod partikolari fir-rigward ta’ aktar għaqda fiż-żona ewro, il-prospetti finanzjarji wara s-sena 2020 u t-tqassim tal-Parlament Ewropew. Huma qablu wkoll li jagħmlu minn kollox biex is-suġġetti li huma l-aktar kontroversjali, bħar-riforma fil-qasam tal-immigrazzjoni, jimxu ’l quddiem u ma jibqgħux wieqfa.
Dan il-programm ta’ ħidma tlaqqam l-‘Aġenda tal-Mexxejja’. Jirrifletti s-sejħa għall-għaqda wara r-riżultat tar-referendum Britanniku.
Il-President tal-Kunsill tal-Unjoni Ewropea Donald Tusk qal li dan il-metodu ġdid ta’ ħidma huwa aktar dirett u aktar informali u jagħti spazju lill-mexxejja tal-pajjiżi biex jimxu viċin l-ideat ta’ xulxin b’mod kostruttiv.
Il-President Franċiż Macron qabel mal-Kunsill tal-Unjoni Ewropea dwar tmexxija tal-aġenda bbażata fuq is-sovranita`, l-għaqda u d-demokrazija.
Il-pass li jmiss huwa summit informali f’Gothenburg fis-17 ta’ Novembru.
“F’dan is-summit nixtieq li naqblu fuq l-aġenda soċjali Ewropea, il-pilastru soċjali, id-drittijiet soċjali minimi. Il-mexxejja mhux neċessarjament għandhom jaqblu fuq kollox. Għandna nimxu ’l quddiem u nħallu l-bieb miftuħ”. Jekk nimxu ’l quddiem fuq l-immigrazzjoni, id-difiża, l-enerġija u l-ambjent, is-suq diġitali, l-ekonomija u l-unjoni monetarja, ikollna baġit komuni,” qal Macron.”
Avveniment ieħor importanti din is-sena huwa is-summit taż-żona ewro f’nofs Diċembru. Fil-bidu ta’ Diċembru l-Kummissjoni se tkun qed tagħmel proposti speċifiċi dwar il-Fond Monetarju Ewropew, u proposti oħra relatati mal-munita tal-Ewro u ma’ dawk il-pajjiżi membri li jkunu jridu jingħaqdu fiż-żona monetarja Ewropea. L-għan se jkun li jitniedu t-taħdidiet, sakemm ikun ifformat gvern fil-Ġermanja, biex id-deċiżjonijiet jittieħdu fis-sajf li ġej.
Is-suġġetti l-aktar kontroversjali se jqanqlu sfida. L-Ewropa trid turi li hija aktar magħquda u li qed issolvi l-problemi speċifiċi taċ-ċittadini. Ftehim dwar suġġetti bħall-immigrazzjoni żgur mhux se jkun faċli.
IL-FUTUR TAL-EWROPA –BILANĊ BEJN GĦAQDA U AMBIZZJONI
Read MoreIS-SOĊJETA` ĊIVILI GĦAWDXIJA GĦANDHA TKUN PROTAGONISTA
Read MoreGĦAWDEX KIEN ĦAQQU 31% TAL-FONDI EWROPEJ, MHUX 10%
Read MoreL-UE MHUX SE SSERRAĦ FUQ IL-KONTRIBUZZJONI TAR-RENJU UNIT WARA 2020
Read MoreIL-PROPOSTI TA’ MACRON GĦALL-ĠGANTI TAL-INTERNET MHUX FL-INTERESS TA’ MALTA
Read MoreTITJIB FL-IMPJIEGI U ŻIEDA FIL-PREKARJAT FL-UE
Read MoreIS-SERBJA MISTENNIJA SSIR MEMBRU TAL-UE
Read MoreL-UE TRID TAGĦLAQ IR-ROTTA TAL-MEDITERRAN
Read More
Post a comment