IL-GWU FAVUR ŻJIEDA FIL-PAGA MINIMA FL-EWROPA

Il-GWU taqbel mal-proposta ta’ Alfred Sant li wasal iż-żmien li tiżdied il-paga minima fl-Ewropa. Delegazzjoni tal-GWU immexxija minn Josef Bugeja ltaqgħet mal-MEP Laburista Alfred Sant fejn ġew diskussi isfidi tal-ħaddiema Ewropej, b’mod partikolari dawk f’Malta u f’Għawdex.

Intqal li s-settur tal-Manifattura f’Malta bħalissa sejjer tajjeb. Fabbriki bħal Playmobile, Tolly, Crane, De La Rue qed ikabbru l-operat tagħhom.

Ġiet diskussa l-proposta tal-armonizzazzjoni tat-taxxi fl-istati membri kollha tal-UE li hija ta’ detriment għal dawk li jaħdmu fis-settur finanzjarju u tal-igaming.

Alfred Sant qal li l-proposta ta’ Ewropa Federali u dik ta’ Armata tal-UE ma taqbilx għal pajjiż żgħir bħal tagħna fil-periferija tal-Ewropa.

Iż-żewġ naħat esprimew it-tħassib tagħhom dwar kundizzjonijiet ta’ xogħol ta’ mijiet ta’ barranin li qed jinġiebu Malta.

Il-GWU se żżomm kuntatt ma’ Alfred Sant dwar sfidi ġodda fl-Ewropa li żgur iħallu l-impatt tagħhom fuq ħaddiema Maltin u Għawdxin.