Il-Kummissjoni Ewropea hija favur prijoritajiet politiċi ġodda għall-qafas finanzjarju ta’ bejn is-sena 2021 u s-sena 2027. Il-Kummissjoni qed tipproponi tnaqqis fl-għajnuna lill-politika agrarja biex minflok jiddaħħlu prijoritajiet ġodda. Dawn huma l-immaniġjar tal-isfida tal-immigrazzjoni u l-qasam tad-difiża u s-sigurta` tal-UE.
Il-Kummissjoni pproponiet ukoll li jiżdied il-baġit fis-settur tal-innovazzjoni u r-riċerka, fl-Erasmus + u fil-Connecting Europe Facility għax skont hi dawn iħallu valur miżjud għall-Unjoni Ewropea. Bħalissa €400 biljuni jmorru għal Politika Agrarja Komuni, 70% tal-baġit Ewropew.
Għall-immigrazzjoni l-Kummissjoni qed tipproponi l-istess sistema b’baġit ta’ €8 biljun fuq perijodu ta’ 7 snin, jew sistema aktar integrata għal ħarsien tal-fruntieri bi 3,000 aġent Ewropew għal baġit ta’ €20 – €25 biljun fuq perjodu ta’ 7 snin, jew sistema li hi komparabbli ma’ dik tal-Istati Uniti b’100,000 aġent Ewropew għal baġit ta’ €150 biljun fuq perijodu ta’ 7 snin.
Għall-fond ta’ difiża komuni tal-UE, il-proposti huma jew €3.5 biljun jew €7 biljuni. Il-Kummissjoni qed tipproponi wkoll mekkaniżmu separat ta’ finanzjament li jlaħħaq l-€10 biljuni, dejjem fuq perijodu ta’ 7 snin.
Il-Kummissjoni tixtieq tirdoppja l-persentaġġ ta’ żgħażagħ li jibbenefikaw mill-Erasmus+ bil-baġit jitla’ għal €30 biljun. B’€90 biljun il-Kummissjoni tkun qed tilħaq terz taż-żgħażagħ Ewropej biex jibbenefikaw minn dan il-programm. Bħalissa jibbenefikaw madwar 7.5% taż-żgħażagħ Ewropej.
Il-Kummissjoni qed tipproponi wkoll li tirdoppja l-baġit għal iffinanzjar tal-infrastruttura, konnettivita` u kompetenzi diġitali biex jiġi jlaħħaq €70 biljun.
Il-Kummissarju tal-Baġit Gunther Oettinger irid qbil fuq il-baġit Ewropew qabel l-elezzjonijiet Ewropej tal-2019.
TAĦT IL-LENTI L-ELEZZJONIJIET FL-ITALJA
Read More
ERDOGAN : “L-UE GĦANDHA ŻŻOMM IL-KELMA TAGĦHA”
Read More
IL-KUMMISSJONI EWROPEA FAVUR PRIJORITAJIET ĠODDA
Read More
MALTA GĦANDHA TKUN KAWTA F’INIZJATTIVI POLITIĊI ĠODDA FIŻ-ŻONA EWRO
Read More
MOGHERINI: IN-NATO TIBQA’ IL-BAŻI TAD-DIFIŻA EWROPEA
Read More
BIEX IL-BANK MALTI TAL-IŻVILUPP JEĦLES MINN PIŻIJIET ŻEJDA
Read More
L-AKBAR TKABBIR EKONOMIKU F’GĦAXAR SNIN
Read More
M’HEMM ĦADD BĦAL ROBERT SCHUMAN FOST IL-MEXXEJJA EWROPEJ
Read More
Post a comment