Il-Kummissjoni Ewropea wissiet li lesta tissanzjona lil Polonja jekk il-gvern Pollakk jgħaddi erba’ liġijiet proposti biex jibdlu l-mod kif jinħatru l-imħallfin u l-maġistrati. Fl-aħħar sentejn il-gvern Pollakk nieda inizjattivi fit-tmexxija tiegħu li ġabulu kritika mill-Kummissjoni Ewropea li qed issostni li l-miżuri li qed jiddaħħlu mill-gvern imorru kontra l-prinċipji tad-demokrazija li l-membri kollha tal-Unjoni Ewropea huma obbligati jħaddmu. Jattakkaw il-prinċipju tar-“rule of law” – is-saltna tal-liġi, li biha kollox jiġi regolat minn liġijiet ġusti, imħarsa minn kull tbagħbis, u li japplikaw bl-istess mod għal kulħadd. Minkejja t-twissijiet tal-Kummissjoni, il-gvern Pollakk għadda l-liġijiet tiegħu mill-Parlament. Intant, il-President Pollakk Andrzej Duda iddikjara l-veto tiegħu fuq tnejn mill-erba’ liġijiet. Dan ifisser li żewġ liġijiet minn erbgħa xorta ġew iffirmati u qed jitkompla x-xogħol fuqhom.
Fl-aħħar ta’ Lulju l-Kummissjoni Ewropea tat erba’ ġimgħat ċans lil Polonja biex timxi skont l-obbligi Ewropej u internazzjonali. Wissiet lil Polonja li lesta timxi ’l quddiem bis-sanzjonijiet li huma previsti mit-trattati tal-Unjoni għal stat li jkun kiser il-prinċipji fondamentali tagħha – sanzjonijiet li jistgħu jwasslu biex l-istat jitneħħielu d-dritt tal-vot fil-Kunsill. Skont it-trattati Ewropej, biex tiskatta din is-sanzjoni jinħtieġ l-vot unanimu tal-pajjiżi membri l-oħra iżda Viktor Orban tal-Ungerija diġa` ħabbar li se jkun spalla ma’ spalla mal-Polonja. Għalhekk x’se jiġri verament għadu inċert.
Il-Kummissjoni Ewropea qed tistenna r-reazzjonijiet tal-Polonja. Il-Gvern Pollakk qal li mhux se jbaxxi rasu, “għar-rikatt tal-UE fuq ir-riformi legali, speċjalment jekk ir-rikatt mhux ibbażat fuq il-fatti.”
IMĠEDDED IL-PJAN TA’ SALVATAĠĠ FIL-MEDITERRAN
Read MoreJUNCKER JIPPREFERI LIL MERKEL
Read MoreINTERESS F’AĠENZIJI BBAŻATI F’LONDRA
Read MoreIL-KUMMISSJONI EWROPEA LESTA TISSANZJONA LIL POLONJA
Read MoreANQAS EWRO FOLOZ FL-IDEJN
Read MoreTĦASSIB DWAR XIRI TA’ KUMPANIJI EWROPEJ MIĊ-ĊINIŻI
Read MoreL-AWSTRIJA KONTRA S-SĦUBIJA TAT-TURKIJA FL-UE
Read MorePILOTI EWROPEJ IRIDU KWALIFIKA GĦAD-DRONES
Read More
Post a comment