VOX, il-Partit tal-Lemin estrem Spanjol , rebaħ 12-il siġġu Parlamentari f’Andalusija. Dan ir-riżultat ikompli juri ż-żjieda fl-appoġġ għal-partiti nazzjonalistiċi fl-Ewropa. Ħafna ħasbu li fi Spanja l-lemin estrem qatt ma kien se jerġa’ jżid l-appoġġ minħabba l-memorja tad-dittatorjat tal-era faxxista ta’ Francisco Franco.
Il-Partit Soċjalista mexxa l-Andalusija għal dawn l-aħħar sitta u tletin sena. Mingħajr maġġoranza xorta kiseb l-akbar ammont ta’ siġġijiet – 33. Il-Partit Konservattiv ġie t-tieni u jixtieq jagħmel koalizzjoni mal-Partit tal-Lemin Estrem Vox u taċ-ċentru lemin Ciudadanos għax flimkien ikollhom maġġoranza ta’ siġġijiet.
Ir-reġjun tal-Andalusija għandu rata tal-qgħad għolja u huwa l-punt tal-wasla fi Spanja għal ħafna immigranti li jaqsmu l-Mediterran.
Dan kien l-ewwel test għal Prim Ministru Spanjol Pedro Sanchez li kien mistenni jagħmel elezzjonijiet f’Mejju li ġej. Ir-riżultat fl-Andalusija ma tantx se jħallulu ħajra jagħmel dan.
Vox huwa partit li twieled fl-2014 – huwa partit tal-lemin estrem, populist, kontra l-immigrazzjoni u l-Islam iżda l-kap tiegħu Santiago Abascal jemmen li qed jikseb l-appoġġ għax “qiegħed pari passu ma’ kif jaħsbuha miljuni ta’ Spanjoli”. Il-partit jiċħad li huwa tal-lemin estrem u jinsisti li huwa favur s-sħubija ta’ Spanja fl-UE u għalhekk differenti fl-ideoloġija minn movimenti oħra populisti jew estremi madwar l-Ewropa.
IT-TERRORIŻMU JERĠA’ JERFA’ RASU
Read More
L-EWROPA TRID TIEĦU ĦSIEB LIŻ-ŻGĦIR
Read More
IL-LEMIN ESTREM JIPPENETRA FL-ANDALUSIJA
Read More
ŻJIEDA TA’ 3.2% FIL-BAĠIT EWROPEW
Read More
JINNEGOZJAW L-ENERĠIJA BL-EWRO
Read More
SPANJA BL-AKTAR IMMIGRANTI
Read More
IN-NATO KONTRA ARMATA TAL-KOSOVO
Read More
TRASPORT B’XEJN FIL-LUSSEMBURGU
Read More
Post a comment