IL-LUSSEMBURGU KONTRA SANZJONIJIET FUQ TAX HAVENS

L-UE qed tfassal lista sewda ta’ pajjiżi madwar id-dinja li huma tax havens. Il-Ministru tal-Finanzi tal-Lussemburgu Pierre Gramegna qal li jopponi l-idea li ma’ din il-lista jsiru sanzjonijiet fir-rigward ta’ dawk il-pajjiżi mniżżlin fuqha.

“Il-fatt li pajjiż jissemma’ f’din il-lista jkun ta’ deterrent minnu nnifsu.” qal Gramegna.

Il-Ministru tal-Finanzi Franċiż Bruno Le Maire ippropona li dawk imniżżla fil-lista għandu jitneħħielhom iċ-ċans li jirċievu għajnuna minn entitajiet internazzjonali kbar bħal Fond Monetarju Internazzjonali u l-Bank Dinji.

Ir-Renju Unit talab biex kulħadd ikun ‘raġjonevoli’ ma’ dawk il-pajjiżi li għandhom 0% taxxa. Dan għaliex il-pajjiżi għandhom il-liberta` li jiddeċiedu huma r-rata ta’ taxxa għax it-tassazzjoni taqa’ taħt is-sovranita` fiskali.

53 pajjiż ġew avżati li jippreżentaw riskju. 8 ikkommettew li jemendaw il-liġijiet; 8 oħra għadhom iridu jagħtu tweġiba; 22 pajjiż ieħor, li jinkludu l-Istati Uniti, l-Isvizzera u l-Kanada, ma jippreżentawx riskju.