IL-MAROKK F’INIZJATTIVA DWAR L-ILMA U L-IKEL FIL-MEDITERRAN

Il-Marokk sar parti formali minn inizjattiva  Ewro-Mediterranja favur soluzzjonijiet ġodda għal tmexxija sostenibbli tal-ilma u l-ikel fir-reġjun tal-Mediterran. Il-Marokk ingħaqad ma’ 19-il stat membru tal-UE: Kroazja, Ċipru, Franza, Ġermanja, Greċja, Italja, Lussemburgu, Malta, Portugall, Slovenja. Ma’ dawn hemm ukoll l-Alġerija, l-Eġittu, Israel, il-Ġordan, Libanu, Tunesija u t-Turkija. Dawn id-19-il stat issa se jikkonċentraw fuq bidliet kbar li affettwaw il-Mediterran u qegħdin ifittxu soluzzjonijiet għal problemi kawżati minn bidla fil-klima, tkabbir demografiku u bini ġdid bl-urbanizzazzjoni li nfirex sew fir-reġjun.

Dan il-programm ta’ ħidma fuq firxa ta’ għaxar snin beda dis-sena.

Biex jitwettaq dan il-programm hemm budget ta’ €494 miljun. €220 miljun minn dawn se joħorġu mill-Budget tal-UE permezz tal-programm Horizon 2020. L-istati membri li qegħdin jieħdu sehem f’din l-inizjattiva se joħorġu €274 miljun bejniethom.

Il-Marokk mistenni joħroġ €40 fuq medda ta’ għaxar snin.