IL-MEDITERRAN U L-LIBJA DISKUSSI F’MALTA

Fis-summit informali tal-mexxejja tal-UE, li se jsir f’pajjiżna fit-3 ta’ Frar, se jkunu diskussi l-Mediterran Ċentrali u l-Libja. Dan ikkonfermah il-President tal-Kunsill tal-UE Donald Tusk. Is-summit se jsir fid-dawl li fl-Italja fl-2016 waslu numru rekord ta’ immigranti. “Is-sena l-oħra waslu b’mod irregolari 180, 000 immigrant fl-Italja. Din is-sitwazzjoni ma tistax tibqa’ sejra hekk. Huwa għalhekk li l-Libja u l-Mediterran Ċentrali se jingħataw importanza fis-summit informali li se jsir f’Malta.” qal Tusk. Tusk qal li l-Unjoni tappoġġja lill-gvern ta’ għaqda nazzjonali Libjan u l-ħidma tiegħu favur il-paċi u l-istabilita` fil-Libja. “Se nżidu l-isforzi tagħna biex insaħħu  s-sigurta` u l-istituzzjonijiet fil-Libja.” qal Tusk.