IL-MINISTRI TAŻ-ŻONA EWRO KALMI WARA L-‘LE’ TAL-ITALJA

Il-Ministri taż-żona ewro ma urewx tħassib għal vot ‘le’ tar-referendum Taljan li wassal għar-riżenja tal-PM Matteo Renzi.

Il-Ministru tal-Finanzi Ġermaniż Wolfgang Schauble qal li ma hemmx lok għal kriżi fiż-żona ewro. ‘Ir-reazzjoni tas-swieq uriet li ma hemmx bżonn miżuri ta’ emerġenza.’ ikkummenta l-Kap tal-Grupp tal-Ewro Jeroen Dijsselbloem. Il-Ministru tal-Finanzi Franċiż Michel Sapin qal li r-referendum kien dwar il-politika interna tal-Italja u mhux dwar l-Ewropa, il-politika Ewropea jew il-post tal-Italja fl-Ewropa.

Il-Ministru tal-Finanzi Taljan ma attendiex għal-laqgħa u matulha ma ġietx diskussa s-sitwazzjoni fl-Italja. Referendum jew le, l-Italja qed taffaċċja kollass fis-settur tal-manifattura u teħtieġ pjan għas-settur bankarju li jeħtieġ fondi li stmati li jlaħħqu l-€40 biljun ewro.