Bil-Kunsill tal-Unjoni Ewropea nkunu qed infissru l-post li jirrappreżenta l-gvernijiet tal-Istati Membri. Huwa fil-Kunsill li l-ministri nazzjonali ta’ kull pajjiż tal-UE jiltaqgħu u jaddottaw il-liġijiet u jikkoordinaw il-politika tagħhom.
Il-Kunsill ikollu dik li tissejjaħ presidenza. Il-presidenza hija dik li tfassal l-aġenda. Il-presidenza tal-Kunsill iddur fost l-istati membri tal-UE kull 6 xhur. Matul dan il-perijodu ta’ 6 xhur, il-presidenza tippresiedi laqgħat f’kull livell tal-Kunsill, u tgħin biex tkun garantita l-kontinwità fil-ħidma tal-UE fil-Kunsill.
L-istati membri li jkollhom il-presidenza fil-qrib, jaħdmu flimkien biex b’hekk ikun hemm kontinwita`. Bħal-issa bdiet il-Presidenza Olandiża li se tibqa’ sejra sa Ġunju 2016. Il-Presidenza Netherlandiża se tiffoka l-aktar fuq l-immigrazzjoni u s-sigurtà internazzjonali. Warajha se jkun hemm il-presidenza Slovakka (minn Ġunju sa Diċembru 2016) u bħal dan iż-żmien sena l-presidenza se tkun f’idejn Malta (minn Jannar sa Ġunju 2017). Għaldaqstant Malta diġa` qed taħdem mal-presidenza Olandiża flimkien mal-Islovakki biex tħejji ruħha għall-presidenza tagħha.
Il-presidenza hija responsabbli li jsir progress fil-ħidma tal-Kunsill dwar il-leġislazzjoni tal-UE, tiżgura kontinwita` fl-aġenda tal-UE, tippjana u tippresiedi laqgħat tal-Kunsill u tara li kollox miexi skont ir-regoli. Tipprepara wkoll laqgħat informali u formali fi Brussell u fil-pajjiżi li se jkollhom il-presidenza. Tirrappreżenta lill-kunsill fir-relazzjonijiet mal-istituzzjonijiet l-oħra tal-UE u tipprova tilħaq qbil dwar il-leġislazzjonijiet.
Malta u l-Unjoni Ewropea NL31
Read More
1.5 MILJUN AKTAR REFUĠJATI GĦALL-ĠERMANJA FL-2016
Read More
PAJJIŻI TAL-LVANT JITBEGĦDU MILL-ĠERMANJA
Read More
L-IMMIGRANTI GĦADHOM DEĦLIN MIT-TURKIJA
Read More
ĦITAN INVIŻIBBLI BEJN L-EWROPA U R-RUSSJA
Read More
L-ISFIDI EWROPEJ SE JAFFETTWAW LIL MALTA FL-2016
Read More
IŻ-ŻONA EWRO BDIET TIRPILJA
Read More
JONQOS IL-QGĦAD FL-UNJONI EWROPEA
Read More
IL-PRESIDENZA TAL-KUNSILL TAL-UE
Read More
IL-VOT LIN-NISA
Read More
Post a comment