Fis-seklu dsatax in-nisa f’ħafna pajjiżi bdew isiru konxji tad-drittijiet tagħhom u b’hekk saru aktar attivi fil-ħidma tagħhom biex fost oħrajn jiksbu d-dritt tal-vot. Fir-Renju Unit fil-bidu tas-seklu għoxrin inħolqu s-‘suffragettes’ li kien grupp li tħabat għall-vot tan-nisa u ħadmu mhux ftit biex jegħlbu il-valuri tradizzjonali u l-preġudizzji. Ta’ sikwit kienu jisfaw arrestati talli qajmu kjass fit-toroq u ħolqu diżobbedjenza ċivili. Fi Frar tal-1918 in-nisa Ingliżi ta’ aktar minn 30 sena kisbu l-vot. Iżda kien fl-1928 li fir-Renju Unit id-dritt tal-vot inkiseb b’mod ugwali fost l-irġiel u n-nisa.
Uħud mill-pajjiżi Skandinavi bħal Finlandja (1906), in-Norveġja (1913) d-Danimarka u l-Islanda (1915) kienu fost il-pajjiżi li taw id-dritt tal-vot lin-nisa fil-bidu tas-seklu għoxrin. Mexxejja Ewropej oħra taw dan id-dritt fit-tmiem tal-ewwel gwerra – l-Olanda (1917) filwaqt li l-Awstrija, Iċ-Ċekoslovakkja, il-Polonja, u l-Isvezja (1918). Fil-Ġermanja u l-Lussemburgu d-dritt tal-vot lin-nisa nkiseb fl-1919, fi Spanja fl-1931 u fi Franza fl-1944.
Fil-Belgju, l-Italja, ir-Rumanija u l-Jugoslavja nkiseb fl-1946 filwaqt li f’Malta nkiseb bil-kostituzzjoni tal-1947. L-Abbozz ta’ liġi kien ippreżentat fl-Assemblea Nazzjonali li dak iż-żmien kienet iddominata minn delegati Laburisti u tal-GWU flimkien ma’ elementi oħra progressivi. Il-mozzjoni favur vot wieħed għal kull mara u raġel li għandhom ’il fuq minn 18-il sena kienet ippreżentata mill-mexxej Laburista Dr Pawlu Boffa fit-18 ta’ Lulju tal-1945. In-Nazzjonalisti kienu vvutaw kontriha.
L-Isvizzera tat il-vot lin-nisa fl-1971 u l-Liechtenstein fl-1984. L-iktar pajjiż riċenti li fih in-nisa kisbu dan id-dritt huwa l-Għarabja Sawdija fejn ingħata fl-2015.
![](http://www.alfredsant.eu/wp-content/uploads/2015/09/image-e1445443396491-300x300.jpeg)
Malta u l-Unjoni Ewropea NL31
Read More
![](http://www.alfredsant.eu/wp-content/uploads/2016/01/1.ft-stubb-merkel-3-300x300.jpg)
1.5 MILJUN AKTAR REFUĠJATI GĦALL-ĠERMANJA FL-2016
Read More
![](http://www.alfredsant.eu/wp-content/uploads/2016/01/2.bigstock-barbed-wire-closed-home-icon-t-107761709-300x300.jpg)
PAJJIŻI TAL-LVANT JITBEGĦDU MILL-ĠERMANJA
Read More
![](http://www.alfredsant.eu/wp-content/uploads/2016/01/3.bigstock-Blue-mosque-in-Istanbul-suns-63690649-300x300.jpg)
L-IMMIGRANTI GĦADHOM DEĦLIN MIT-TURKIJA
Read More
![](http://www.alfredsant.eu/wp-content/uploads/2016/01/4.putin_-300x300.jpg)
ĦITAN INVIŻIBBLI BEJN L-EWROPA U R-RUSSJA
Read More
![](http://www.alfredsant.eu/wp-content/uploads/2016/01/MG_6583-300x300.jpg)
L-ISFIDI EWROPEJ SE JAFFETTWAW LIL MALTA FL-2016
Read More
![](http://www.alfredsant.eu/wp-content/uploads/2016/01/6.bigstock-Euros-eur-In-A-Pocket-74692711-300x300.jpg)
IŻ-ŻONA EWRO BDIET TIRPILJA
Read More
![](http://www.alfredsant.eu/wp-content/uploads/2016/01/7.bigstock-Businessmen-Show-Finance-Crisi-102687926-300x300.jpg)
JONQOS IL-QGĦAD FL-UNJONI EWROPEA
Read More
![](http://www.alfredsant.eu/wp-content/uploads/2016/01/8.bigstock-Jigsaw-puzzle-flag-of-European-103908182-300x300.jpg)
IL-PRESIDENZA TAL-KUNSILL TAL-UE
Read More
![](http://www.alfredsant.eu/wp-content/uploads/2016/01/9.bigstock-Woman-voting-with-ballot-paper-108724832-300x300.jpg)
IL-VOT LIN-NISA
Read More
Post a comment