Ministri tal-agrikoltura Ewropej huma mħassbin għat-tqasqis ta’ 5% mill-fondi agrarji li qed tipproponi l-Kummissjoni Ewropea.
Il-Kummissarju tal-Agrikoltura Phil Hogan qal li “Il-flus jaħtu għal ħafna min-nuqqas ta’ qbil”.
L-Isvezja favur aktar tqasqis ta’ fondi diretti lil bdiewa, l-Olanda lesta taċċetta t-tnaqqis jekk jinqasam b’mod ġust fost il-pajjiżi kollha.
Franza ma taqbilx li jitnaqqsu l-fondi diretti u lanqas il-fondi għall-iżvilupp rurali u qed tipprova tikseb l-appoġġ ta’ aktar pajjiżi billi ffirmat stqarrija flimkien ma’ Spanja, Irlanda, Portugall, Finlandja u Greċja fuq il-ħtieġa li l-baġit tal-agrikoltura ma jonqosx. Franza qed tipprova tressaq lir-Rumanija, ir-Repubblika Ċeka u l-Belġju lejn il-pożizzjoni tagħha.
Il-Kummissjoni Ewropea pproponiet tnaqqis ta’ 15% tal-fondi għall-iżvilupp rurali. Pajjiżi bħal Portugall u l-Awstrija huma mħassba kif se jagħmlu tajjeb b’mod nazzjonali għal dan it-tnaqqis jekk verament iseħħ.
Il-laqgħa li jmiss bejn il-ministri dwar il-fondi tal-agrikoltura mistennija ssir fit-18 ta’ Ġunju. Ħafna ministri huma tal-fehma li se jkun impossibbli biex jintlaħaq ftehim bejn issa u l-elezzjonijiet Ewropej ta’ Mejju 2019. Finalment huwa l-Kunsill bil-mexxejja tal-pajjiżi li jiddeċiedu dwar il-prijoritajiet politiċi għal baġit tas-seba’ snin li jmiss u kif se jintefqu l-flus allokati għal dawn il-prijoritajiet.
Problema Ewropea
Read More
AKTAR KOOPERAZZJONI MA’ PAJJIŻI MEDITERRANJI DWAR IT-TERRORIŻMU
Read More
IMĦASSBIN DWAR IT-TNAQQIS TAL-FONDI GĦALL-AGRIKOLTURA
Read More
KONTRA L-ARRESTI POLITIĊI FIT-TURKIJA
Read More
AKTAR PLASTIK MINN ĦUT FIL-BAĦAR SAS-SENA 2050
Read More
ALFRED SANT DWAR IS-SEHEM TA’ MALTA MILL-BUDGET TAL-UE FIŻ-ŻEJTUN
Read More
JANEZ JANŠA JERBAĦ L-ELEZZJONIJIET FI SLOVENJA
Read More
VARAT IL-PROĠETT TA’ ARJA NADIFA FIL-GŻEJJER TAL-UE
Read More
Post a comment