Informazzjoni miġbura dwar l-industrija tas-Sajd qed tintuża għad-detriment tas-sajjieda tradizzjonali Maltin u Għawdxin fl-allokazzjoni tal-kwoti tas-sajd u fuq bażi nazzjonali biex ikunu mħarsa l-ħut fil-Mediterran, enfasizza l-Ewroparlamentari Malti Alfred Sant fi Strasburgu meta kkummenta fuq stqarrija tal-Kummissjoni Ewropea dwar is-suġġett. Is-sajjieda Maltin u Għawdxin li jiltaqgħu regolarment ma’ Alfred Sant huma ta’ din il-fehma u kontinwament jistaqsuh biex iwassal il-vuċi tagħhom fil-Parlament Ewropew.
“Kull darba li niltaqa’ ma’ sajjieda lokali minn Marsaxlokk, mill-Mellieħa u minn inħawi oħra ta’ Malta u Għawdex iħeġġuni biex inwassal leħenhom fil-Parlament Ewropew. Jien se nibqa’ leali lejn is-sajjieda tradizzjonali Maltin u Għawdxin li jiddependu mis-sajd għall-għixien tagħhom. ls-sajjieda tradizzjonali tagħna jħarsu b’suspett lejn il-mod kif qed tinġabar u tintuża d-‘data’ biex tkun regolata l-industrija tas-sajd. Dawn jemmnu li l-informazzjoni li nġabret tul iż-żmien serviet biex tgħatti l-impatt tal-operaturi l-kbar a skapitu tagħhom. Dan ġara fil-mod ta’ kif qed jiġu allokati l-kwoti kemm fl-Unjoni Ewropea u kemm fuq bażi nazzjonali biex ikunu mħarsa l-istokks tal-ħut.
Jien sħaqt fil-Parlament Ewropew li d-direttivi tal-UE ibbażati fuq din l-informazzjoni qed jheddu l-għixien u l-futur tas-sajjieda Maltin u Għawdxin fejn sofrew minn restrizzjonijiet sproporzjonati għat-tonn, daqt għall-pixxispad u daqt ukoll għal-lampuki. Dan mhux ġust u kien għalhekk li vvotajt kontra r-riżoluzzjoni fuq il-ġbir, tmexxija u użu ta’ ‘data’ tas-settur tas-sajd fil-Parlament Ewropew.
Ħafna sajjieda tradizzjonali joperaw bħala familja. Sa ftit ilu, la kellhom għarfien, la riżorsi u l-anqas ħin biex jifhmu kif l-industrija tagħhom, l-mod ta’ għajxien tagħhom, kienu qed jinbidlu. L-operaturi l-kbar ittrasformaw l-istruttura tal-industrija tas-sajd għax kienu jafu kif jimbottaw l-ideat tagħhom biex iżommu sehemhom fis-suq.” qal Dr Sant.
PARTNERSHIP
Read MoreIT-TOROK JIVVOTAW FIL-ĠERMANJA
Read MoreL-ISVEZJA TĦEJJI GĦALL-ĦOFRA TAL-BREXIT
Read MoreINFORMAZZJONI DWAR IS-SAJD TINTUŻA KONTRA L-INTERESSI TAS-SAJJIEDA TRADIZZJONALI MALTIN
Read MoreBONDS BIEX IĦALLSU D-DJUN
Read MoreL-AKBAR KUMMERĊ MAĊ-ĊINA U L-ISTATI UNITI
Read MoreVJAĠĠI GĦAL ŻGĦAŻAGĦ FIL-PERIFERIJA TAL-EWROPA
Read MoreVISA BIEX TIDĦOL L-ISTATI UNITI
Read More
Post a comment