Il-Ministru tal-Affarijiet Barranin Russu Sergey Lavrov qal lill-Kunsill tal-Ewropa li r-Russja kienet qed tissospendi l-ħlasijiet tal-kontribuzzjonijiet tagħha fil-baġit tal-istituzzjoni. Dan qed isir sakemm jerġgħu jiddaħħlu b’mod sħiħ id-drittijiet tad-delegazzjoni Russa fl-Assemblea Parlamentari tal-Kunsill tal-Ewropa.
It-18-il Parlamentari Russi raw id-drittijiet tal-votazzjoni tagħhom jiġu sospiżi f’April tal-2014 wara l-okkupazzjoni tal-Krimea. Minn dak inhar il-Parlamentari Russi ħarġu ’l barra u ma reġgħux ħadu s-siġġu tagħhom.
Il-Ministru Lavrov ħabbar ukoll li s-sitwazzjoni diplomatika qed tiggrava u li dawk li qed jipprovaw jinnormalizzaw ir-relazzjonijiet mar-Russja qed jiġu ppersegwitati. B’din l-aħbar Lavrov seta’ kien qed jirreferi għal President tal-Assemblea Pedro Agramunt, li dejjem sejjaħ għal djalogu ma’ Moska u li bħalissa qed jiġi kkritikat għax, mingħajr talba uffiċċjali, iltaqa’ ma’ Bachar al-Assad.
Ir-Russja hija fost l-iktar pajjiżi li jikkontribwixxu finanzjarjament fil-Kunsill tal-Ewropa, flimkien mal-Ġermanja, Franza, Italja, Turkija u r-Renju Unit. Ir-Russja tipprovdi 7% tal-baġit tal-istituzzjoni, kważi €32 miljun. Issa r-Russja qed tipperikola li tkun eskluża minn dan il-forum diplomatiku li fih investiet ħafna tul il-21 sena li ilha membru tiegħu.
TRAFFIKANTI JAGĦMLU €1.4 BILJUN EWRO MIL-LIBJA BISS
Read MorePJAN EWROPEW TA’ DIFIŻA JINJORA L-INTERESSI TAL-PAJJIŻI NEWTRALI
Read MoreIR-RUSSJA TWAQQAF IL-KONTRIBUZZJONI TAGĦHA LEJN IL-KUNSILL TAL-EWROPA
Read MoreJINŻEL IL-QGĦAD FL-ISTATI MEMBRI KOLLHA
Read MoreSTATI FIL-PERIFERIJA TAL-EWROPA BŻONN IL-FLESSIBILITA` FIT-TAXXA
Read MoreID-DOLLARU JIBQA’ QUDDIEM L-EWRO
Read MoreMALTA SE TITLEF ALLEAT FL-UE
Read MoreFTEHIM BEJN IL-ĠAPPUN U L-UE
Read More
Post a comment