Il-Partit Syriza reġa’ rebaħ l-elezzjonijiet fil-Greċja u l-mexxej Alexis Tsipras reġa’ kiseb l-appoġġ tal-poplu għal mandat ieħor. Rebħa qarsa għax Tsipras se jkollu jimplimenta l-pjan ta’ salvataġġ impost mill-istituzzjonijiet tal-UE li jfisser aktar miżuri ta’ awsterita`. Il-poplu Grieg ma ċanfarx lil Tsipras minħabba s-sitwazzjoni staġnata li ġarrbet il-Greċja dan l-aħħar. Tsipras falla fin-negozjati mal-kredituri, u ma wettaqx ir-rieda tal-poplu meta huma vvotaw kontra l-awsterita` filwaqt li hu bħala Prim Ministru vvota favur it-tielet pjan ta’ salvataġġ impost mill-istituzzjonijiet tal-UE. Minkejja dan kollu, baqa’ popolari.
L-elezzjoni tal-Ħadd li għadda kienet it-tielet waħda għal din is-sena. Il-Greċja kellha 6 gvernijiet u 4 elezzjonijiet parlamentari mill-2009, minn meta l-pajjiż sar jiddependi mill-pjanijiet ta’ salvataġġ tal-UE. Il-poplu nħass imxebba’ tant li fl-aħħar ġimgħat ma kienx hemm l-atmosfera kkargata u sħuna li normalment ikun hemm qabel elezzjoni. Il-burdata kienet ferm differenti mill-elettriċita` u l-ħajja li kellha l-elezzjoni tar-referendum tal-5 ta’ Lulju. Dawk li ma ħarġux jivvutaw żdiedu.
B’din l-aħħar elezzjoni ftit li xejn inbidlu l-affarijiet għal Syriza u għall-Parlament Grieg, għajr li Syriza rnexxielha teħles mill-membri parlamentari ribelli, grupp ta’ 25 ruħ, li baqgħu ma aċċettawx il-kundizzjonijiet tal-istituzzjonijiet tal-UE. Il-Gvern ta’ Syriza reġa’ għamel koalizzjoni mal-partit tal-lemin estrem – ‘Il-Griegi Indipendenti’.
Ix-xhur li ġejjin se jfissru tbatija għall-poplu Grieg hekk kif se jkunu implimentati wħud mill-aktar miżuri ħorox ta’ awsterita`. Minkejja li Tsipras kemm-il darba qal li mhumiex ġusti, se jkun hu li se jwettaqhom. Tsipras issa jrid jiggverna waqt li jwettaq dawn il-miżuri. Tgħid se jirnexxielu? Kemm se jipprotesta fit-toroq il-poplu Grieg? Is-saga tal-Greċja tkompli.
IS-SAGA TAL-GREĊJA TKOMPLI
Read More
L-IMMIGRAZZJONI L-AKBAR UĠIGĦ TA’ RAS GĦALL-POPLI EWROPEJ
Read More
XETTIKU DWAR IL-‘PROPOSTA TA’ KOMPROMESS’ TAL-UE GĦAT-TTIP
Read More
RAĦĦALA FIL-GŻEJJER TAL-UE L-AGĦAR LI MARRU BL-EMBARGO RUSSU
Read More
€500 MILJUN MHUX BIŻŻEJJED GĦAT-TELF TAL-BDIEWA MIS-SUQ RUSSU
Read More
SUPER MINISTRU TAL-FINANZI GĦAŻ-ŻONA EWRO
Read More
QED JIKBRU D-DIVERĠENZI EKONOMIĊI F’UNJONI LI GĦANDHA L-GĦAN LI TQARREB L-EKONOMIJI LEJN XULXIN’
Read More
€235 MILJUN GĦALL-IŻVILUPP SOĊJO-EKONOMIKU LIL PAJJIŻI TAL-MEDITERRAN
Read More
XAHAR QABEL ELEZZJONI ĠENERALI TIRPILJA L-EKONOMIJA TAL-PORTUGALL
Read More
FRANZA B’EKONOMIJA STAĠNATA FL-AĦĦAR TLIET XHUR
Read More
PAJJIŻI ŻGĦAR ŻVANTAĠĠATI EKONOMIKAMENT GĦANDHOM IKUNU KKUMPENSATI BIL-KOMPETIZZJONI FIT-TAXXA
Read More
X’INU L-OMBUDSMAN EWROPEW?
Read More
700 ĠŻIRA AKTAR MILLI MAĦSUB FL-ESTONJA
Read More
Post a comment