Il-Kap tad-delegazzjoni Laburista fil-Parlament Ewropew qal li s-saltna tad-dritt f’Malta hija ħajja u b’saħħitha daqs kemm hi b’saħħitha fil-pajjiżi l-oħra tal-Unjoni Ewropea. Dr Sant, li kien qed jagħmel intervent fil-plenarja ta’ Strasburgu waqt id-dibattitu ‘Panama Papers follow-up and the rule of law in Malta’, qal li taħt it-tmexxija ta’ Dr Joseph Muscat l-ekonomija Maltija laħqet rati ta’ tkabbir li qatt ma rajna bħalhom, riżultat li jitfagħna fil-quċċata tal-pajjiżi tal-Unjoni Ewropea. Il-prosperita` sejra f’kull fergħa tal-popolazzjoni Maltija. Ir-riformi ġew implimentati malajr ħafna. Il-progress fil-liberalizzazzjoni soċjali, id-drittijiet LGBT, l-aċċess għall-edukazzjoni, it-tnaqqis tal-faqar kien mgħaġġel.” qal Alfred Sant.
Dr Sant qal li l-membri tal-Parlament Ewropew li jixtiequ jikkritikaw lill-Gvern Malti jistgħu jagħmlu dan billi jgħidu li l-gvern Malti addotta politika li huma ma jaqblux magħha. Iżda saħaq li l-gvern Malti ddikjara li se jikkoreġi l-iżbalji li saru. “Kritiċi tal-amministrazzjoni Maltija ma għandhomx bażi jgħidu li l-liġi tad-dritt qed tiddgħajjef. Din il-liġi hija ħajja u b’saħħitha f’Malta daqs kemm hi fil-pajjiżi tal-UE. Bħalissa, erba’ investigazzjonijiet maġisterjali qed jistudjaw l-allegazzjonijiet dwar tmexxija ħażina fl-immaniġġjar pubbliku. Qed jipproċedu totalment b’mod indipendenti, skont kif titlob il-liġi tad-dritt.”
Dr Sant qal li l-Prim Ministru Malti wiegħed li jirrispetta l-konklużjonijiet tagħhom. “Ħafna tista’ tiġihom ir-reqqa li Malta qed teċċella fis-settur tas-servizzi finanzjarji. Madanakollu s-settur qed jaħdem b’konformita` sħiħa mar-regoli tal-UE u tal-OECD. Każijiet individwali qed ikunu ġġeneralizzati b’mod inġust. Il-bażi ta’ dan id-dibattitu l-anqas biss jeżisti. Jekk jingħata kredtu, stqarrijiet li nistgħu nagħmlu dwar il-liġi tad-dritt x’imkien ieħor jista’ jnaqqsilha mill-valur tagħha.”
L-Ewroparlamentari Rumen Cszaba Sogor (EEP) staqsa lil Dr Sant jaqbilx mal-kariga ta’ Ministru tat-Turiżmu li ngħata Konrad Mizzi peress li sena ilu qallu biex jirreżenja. Alfred Sant għal din id-domanda wieġeb: “Il-Prim Ministru jrid jirrispetta l-verdett tal-poplu…..jien ninnota li din il-ħaġa saret f’dan il-każ ukoll.”
IS-SALTNA TAD-DRITT F’MALTA HIJA ĦAJJA U B’SAĦĦITHA
Read More
DEHRA ĠDIDA GĦALL-ASSEMBLEA NAZZJONALI FRANĊIŻA
Read More
FID-DUBJU N-NEGOZJATI TAL-BREXIT
Read More
UFFIĊĊJI ‘FANTAŻMA’
Read More
FOND KOMUNI GĦALL-QASAM TAD-DIFIŻA
Read More
L-ISTATI UNITI, IR-RUSSJA, L-UE JEĦTIEĠ JIFTEHMU DWAR IL-LIBJA
Read More
PROĠETT PILOTA GĦAR-REĠJUNI LI WAQGĦU LURA
Read More
L-UE TINFILTRA S-SUQ ASJATIKU BI FTEHIM MAL-INDJA
Read More
Post a comment