Il-mexxejja soċjal-demokratiċi tal-Ewropa se jiddibattu ideat biex iġeddu s-soċjaliżmu fl-Ewropa, flimkien mas-soċjeta` ċivili u akkademiċi fit-18 u 19 ta’ Ottubru fi Brussell. Il-President tas-Soċjalisti u Demokratiċi fil-Parlament Ewropew Gianni Pittella qal li l-S&D qed tħejji ruħha għat-tellieqa tal-elezzjonijiet tal-Parlament Ewropew tal-2019. Is-soċjalisti qed iħarsu ’l quddiem biex joffru alternattiva ġenwina għad-Demokrazija Kristjana u għal forzi populisti fl-Ewropa. Skont Pittella, is-soċjalisti u demokratiċi jridu jantiċipaw aħjar ir-riperkussjonijiet soċjali u t-tibdil li ġġib it-teknoloġija jekk iridu jsiru aktar effettivi.
Tħares fejn tħares fl-Ewropa, minnbarra f’Malta, fl-Islovakkja u l-Portugall, ix-xellug soċjal-demokratiku jinsab b’denbu taħt il-blat fl-Ewropa. Fi Franza ġab inqas minn 10% tal-voti, fi Spanja u fl-Italja naqqas ħafna mill-appoġġ, fl-Olanda ġralu l-istess. Fl-Ungerija u l-Polonja x-xena hija dominata minn partiti tal-lemin u lemin estrem. Fil-Ġermanja s-soċjal-demokratiċi jkunu meqjusa fortunati ħafna jekk ma jnaqqsux mill-voti.
“Biex is-soċjalisti u d-demokratiċi jtejbu ċ-ċansijiet tagħhom fl-elezzjonijiet Ewropej li jmiss, is-soċjalisti għandhom jikkonċentraw fuq kwistjonijiet li jinteressaw aktar lill-popli – miżuri bħall-kondizzjonijiet tax-xogħol, il-pagi, il-pensjonijiet, l-opportunitajiet għaż-żgħażagħ. Is-soċjalisti u demokratiċi jeħtieġ jitkellmu u jaġixxu dwar is-sitwazzjoni konkreta li n-nies tax-xogħol qed jaffaċċjaw f’pajjiżhom.” irrimarka Alfred Sant f’laqgħa tal-S&D fi Brussell.
Il-grupp tal-S&D ħa reputazzjoni li qabel kollox qiegħed hemm biex iħares l-għaqda Ewropea. Donnu sar partit li qed ipoġġi fuq quddiem nett mhux l-interessi tal-votanti tiegħu – ħaddiema, impjegati, self employed żgħar, pensjonanti – imma l-interessi ta’ Ewropa magħquda, kwistjoni li se tiġi diskussa fil-laqgħa tas-Soċjalisti f’Ottubru li ġej.
RYANAIR TĦARBAT TITJIRIET TA’ 400,000 PASSIĠĠIER
Read MoreFEJN SEJRA L-EWROPA?
Read MoreINSAĦĦU L-KISBIET U NWITTU D-DIVERĠENZI FL-EWROPA
Read MoreL-UE U R-RENJU UNIT JEĦTIEĠU RELAZZJONIJIET TAJBIN WARA L-BREXIT
Read MoreIRIDU JĠEDDU L-KONTROLLI FUQ IL-FRUNTIERI
Read MoreTLIET PRIJORITAJIET TA’ MOSCOVICI FIT-TASSAZZJONI
Read MoreBATTIBEKKI DWAR IT-TURKIJA
Read MoreIS-SOĊJAL-DEMOKRATIĊI JĦEJJU GĦALL-2019
Read More
Post a comment