It-tensjoni li ħakmet lit-Turkija wara l-attentat tal-kolp ta’ stat kontra Erdogan qed tinfirex fil-Ġermanja fejn Erdogan igawdi appoġġ kbir fost il-komunitajiet Torok. Dan qanqal reazzjonijiet differenti fil-Ġermanja, l-aktar fost id-deputati Ġermaniżi li jirrappreżentaw lit-Torok li jgħixu fil-Ġermanja.
Id il-President Tork Recep Tayyip Erdogan, “ma għandhiex tilħaq lil Ġermanja”, qal Cem Ozdemir, wieħed minn 11-il membru tal-Parlament Ġermaniż b’għeruq Torok. Iżda l-effett tal-politika Torka nħasset fit-toroq Ġermaniżi hekk kif kważi 40, 000 persuna niżlu fit-toroq ta’ Cologne biex jesprimu l-appoġġ tagħhom lejn Erdogan. Id-dimostrazzjoni turi li l-politiċi Ġermaniżi se jiltaqgħu ma’ ħafna xkiel meta se jitkellmu kontra l-President Tork.
Fil-Ġermanja jgħixu madwar 3 miljun persuna ta’ dixxendenza Torka. Nofshom baqgħu jżommu ċittadinanza Torka. Għalhekk il-Ġermanja tiġi r-raba’ l-akbar distrett elettorali tat-Turkija. Minn madwar 570, 000 Tork Ġermaniż li vvotaw fl-2015, 60% appoġġjaw lil partit ta’ Erdogan. Kien proprju mit-Torok li jgħixu l-Ġermanja li Erdogan ġab l-ogħla persentaġġ ta’ voti. Mit-3,000 moskea li għandha l-Ġermanja, 2,000 minnhom huma Torok, u 900 minnhom huma finanzjati mill-Gvern Tork, li jibgħat lil ‘imams’ mit-Turkija.
Ir-relazzjonijiet bejn il-Ġermanja u t-Turkija sejrin għall-agħar hekk kif il-Parlament Ġermaniż sejjaħ ‘ġenoċidju’ l-massakru li wettqu t-Torok fuq l-Armeni mitt sena ilu. Dan ma niżilx tajjeb f’widnejn Erdogan. Iżda wara l-attentat tal-kolp ta’ stat ir-relazzjonijiet sejrin għall-agħar. Dawk li jappoġġjaw lil Erdogan fil-Ġermanja qed isemmgħu aktar leħinhom u jappoġġjaw lil Erdogan fil-miftuħ. Parlamentari Ġermaniżi qed jisħqu li l-alleanza ta’ dawn in-nies għandha tkun lejn l-istat li qed jgħixu fih jiġifieri lejn il-Ġermanja u mhux lejn l-istat fejn twieldu, it-Turkija.
S’issa l-ftehim li ntlaħaq f’Marzu bejn it-Turkija u l-Ġermanja dwar l-immigranti se jibqa’ fis-seħħ, sakemm l-affarijiet ma jkomplux sejrin għall-agħar.
IS-SUD JIPPROVA JINGĦAQAD
Read More
IT-TENSJONI TORKA TINFIREX FIL-ĠERMANJA
Read More
IĦEJJI L-KARTI TAD-DIVORZJU GĦAR-RENJU UNIT
Read More
L-AKBAR ŻEWĠ SFIDI: IMMIGRAZZJONI U TERRORIŻMU
Read More
140 SENA BIEX JIPPROĊESSAW L-IMMIGRANTI
Read More
TAL-VISEGRAD IRIDU AKTAR SOVRANITA`
Read More
L-EBDA MULTI GĦAL SPANJA U L-PORTUGALL
Read More
RIVEDUTA L-ORDNI TAL-PRESIDENZI
Read More
DAQQA TA’ ĦARTA GĦAS-SENTIMENT EKONOMIKU
Read More
FATATI FL-INGILTERRA
Read More
Post a comment