IT-TOROQ EWROPEJ DOMINATI MINN VETTURI B’MAGNI DIESEL

Fi żmien meta l-magni diesel huma kritikati fl-UE minħabba raġunijiet ta’ saħħa u ta’ effett ħażin fuq il-klima,  il-parti l-kbira tal-vetturi fl-UE jaħdmu bid-diesel u huma antiki.

Rapport tal-Assoċjazzjoni tal-Manifatturi tal-Karozzi (ACEA) jagħti ħarsa ġenerali tal-vetturi fl-UE bejn l-2011 u l-2015. Juri li fl-2015, 88% minn 31 miljun vettura kellhom magna diesel. Kważi 95.5% mis-6 miljun trakk fit-toroq Ewropej huma diesel. Il-Polonja għandha l-ikbar numru ta’ vetturi tal-merkanzija filwaqt li Franza għandha l-ogħla numru ta’ vannijiet, warajha Spanja u r-Renju Unit.

F’ħames snin, in-numru ta’ karozzi privati żdied b’4,5% għal 252 milun, komparat ma’ 241 miljun fl-2011.

Karozzi privati li jużaw fjuwil alternattiv jammontaw biss għal 3% tal-karozzi fl-UE, għalkemm ir-reġistrazzjonijiet ġodda qed jiżdiedu.

Iż-żmien medju tal-vetturi huwa qrib il-11-il sena (10.7 snin għal karozzi, vannijiet u trakkijiet) bil-Polonja, il-Latvja u l-Litwanja li għandhom l-iktar vetturi antiki filwaqt li l-Lussemburgu u l-Belġju għandhom l-iktar vetturi ġodda. Mill-ħames l-akbar swieq tal-karozzi fl-Ewropa, Spanja għandha l-iktar vannijiet antiki. Il-Greċja għandha l-iktar vetturi tal-merkanzija antiki – medja ta’ 18-il sena.

L-UE għandha 494 karozza għal kull 1,000 abitant, imma hemm differenzi kbar bejn stat membru u ieħor. Fi Franza 29% tal-familji għandhom żewġ karozzi filwaqt li fl-Ungerija, kważi nofs il-familji l-anqas biss għandhom karozza.