It-Turkija ma għadhiex fi stat ta’ emerġenza sentejn wara l-attentat kolp ta’ stat li seħħ fil-15 ta’ Lulju 2016. L-istat ta’ emerġenza jżid il-poter tal-president u tal-forzi tas-sigurta`.
Is-Servizz Ewropew tal-Azzjonijiet Esterni laqa’ din l-aħbar iżda wera xettiċiżmu lejn il-proposti leġislattivi li jiggarantixxu poteri straordinarji lill-awtoritajiet. Il-proposti jżommu bosta elementi restrittivi tal-istat ta’ emerġenza filwaqt li r-reviżjoni kostituzzjonali tagħti lil President Tork Recep Tayyip Erdoğan il-poter li joħroġ digrieti b’valur legali, l-istess poter li kellu waqt l-istat ta’ emerġenza.
“Fid-dawl tat-tmiem tal-istat ta’ emerġenza, nistennew li t-Turkija treġġa’ lura l-miżuri li jħallu impatt negattiv fuq l-istat ta’ dritt, l-indipendenza tal-ġudikatura u l-libertajiet fundamentali li huma l-qalba ta’ stat demokratiku” qal kelliem għas-Servizz Ewropew tal-Azzjonijiet Esterni.
Din l-aġenzija Ewropea ħeġġet lil Ankara timplimenta r-rakkomandazzjonijiet tal-Kunsill tal-Ewropa u tirrispetta s-separazzjoni tal-poteri bejn l-eżekuttiv u l-ġudikatura.
“Titjib konkret u dejjiemi fil-qasam tal-istat tad-dritt u l-libertajiet fundamentali jibqa’ essenzjali għall-prospetti tar-relazzjonijiet bejn l-UE u t-Turkija “, qalet l-aġenzija Ewropea.
IL-GREĊJA, L-IRLANDA U R-RUMANIJA GĦALL-QORTI DWAR ĦASIL TA’ FLUS
Read More
IR-RENJU UNIT JIPPROPONI KUMMERĊ ĦIELES MAL-UE
Read More
NEGOZJATI MAL-ISTATI UNITI DWAR IL-KUMMERĊ
Read More
IT-TURKIJA MA GĦADHIEX FI STAT TA’ EMERĠENZA
Read More
PRIJORITA` LI L-IMMIGRANTI JKOLLHOM GĦAJNUNA F’PAJJIŻHOM
Read More
KONNETTIVITA` GĦAL GŻEJJER KROATI BL-GĦAJNUNA TAL-ISTAT
Read More
7000 GĦAWDXI JAĦDMU MALTA
Read More
KONTRA T-TRAFFIKAR TAL-ANNIMALI DOMESTIĊI
Read More
Post a comment