It-Turkija għadha kemm fetħet il-kapitlu dwar l-ekonomija u l-politika monetarja fin-negozjati tagħha biex issir membru tal-Unjoni Ewropea.
Dan il-kapitlu jitkellem dwar regoli speċifiċi li jiżguraw li l-banek ċentrali tal-istati membri jkunu indipendenti u jkunu ipprojbiti milli jiffinanzjaw is-settur pubbliku b’mod dirett. L-istati membri jikkoordinaw il-politika ekonomika bejniethom u jagħtu rendikont tal-baġits nazzjonali tagħhom skont ir-regoli tal-Unjoni Ewropea. Kapitlu 17 jitkellem ukoll dwar regoli partikolari li permezz tagħhom pajjiż jipprepara biex jadotta l-munita ewro.
It-Turkija ilha li bdiet in-negozjati mal-UE minn Ottubru tal-2005. Minn dak inhar ’l hawn fetħet 15-il kapitlu u b’mod proviżorju għalqet wieħed. Il-ftuħ ta’ kapitlu 17 huwa pass importanti fil-proċess ta’ sħubija wara sentejn ta’ waqfien, qal il-ministru tal-Affarijiet Ewropew Tork Volkan Bozkir. L-istess ministru mexxa x-xogħol preparatorju fuq kapitlu 23 u 24 li jitrattaw is-settur tal-ġustizzja, sigurta` u d-drittijiet fundamentali; kapitlu 15 dwar l-enerġija; kapitlu 26 dwar l-edukazzjoni u kapitlu 31 dwar il-politika barranija u l-politika għas-sigurta`.
L-Unjoni Ewropea qed tgħid li se tagħti l-appoġġ għat-Turkija fil-proċess tas-sħubija. Huwa fatt li l-proċess ingħata spinta miż-żewġ naħat permezz ta’ djalogu regolari u kooperazzjoni fuq il-kwistjonijiet tal-immigrazzjoni, il-ġlieda kontra t-terroriżmu u l-enerġija.
IL-FUTUR TAL-EWROPA
Read More
L-IMMIGRAZZJONI FUQ FOMM KULĦADD
Read More
IT-TURKIJA TKOMPLI RIESQA
Read More
IL-GRIEGI JRAQQDU L-IMMIGRANTI MAGĦHOM
Read More
GĦAWDEX: SE JIBQA’ IŻOLAT?
Read More
GĦAWDEX: QUO VADIS IŻ-ŻGĦAŻAGĦ?
Read More
GĦAWDEX: ’IL FEJN IT-TURIŻMU?
Read More
‘DEJJEM RIDT RELAZZJONIJIET SPEĊJALI MAL-UE’
Read More
JIŻDIEDU L-IMPJIEGI
Read More
TIŻDIED IL-POPOLAZZJONI
Read More
X’INHU L-FRONTEX?
Read More
DRAWWIET L-EWWEL TAS-SENA
Read More
Post a comment